Mamallakta Tantanakuyta pushak, Gabriela Rivadeneira Burbano apuk, 297 niki rimanakuyman apukkunata kay kullka puncha, 9H30 sayllipak kayachirka, kaypika Ley Orgánica de Telecomunicaciones kamachiy rurarina killkatami riksinkakuna.
Kay rimanakuyka Gobiernos Autónomos, Descentralización, Competencias y Organización del Territorio Minkarishkapi llankak apukkuna killkashkata rikushpami katinka, kay rurana kamachiyka Telecomunicaciones shinallatak espector radioeléctrico paktaykuna Llakta wiñarina yanapanapak sinchiyachunmi rikunka.
Kunanpi paktarikuk Especial de Telecomunicaciones kamachiyka 10 puncha karwal killa 1992 watapi rurashkami kan, kay kamachiypak rantimi churshka kanka, kayshinami espectro radioeléctrico paktayka mushuk pushana wasiman chayanka.
Ashtawan hatunyachishka yuyaykunaka llaktayukkuna Telecomunicación wasi, shinallatak willachishpa llankak wasikunamantapash yanapayta pakta pakta chayachichunm mashkanka.
Kay yanapaykunata llaktayuk chaskichunmi mashkakun, Telecomunicaciones yanapay allita, kacharishpa akllanapak, kikinllapak willachiy charinapak, pakta willayta chayachinapak, llakipi kashpa mana kullkiwan kayachinapak, munashka mashkayta paktanapak, kullkimanta, imashina kullki chayachinamanta, kullki mashna sakirishkata riksinamantapash; manu kullki chayachina pankata pakta utkashpa chakinamanta, ashayachishkata mana tantachinamanta, kullki pachapi chayllapitak kanamanta, sakirishka kullkita kutin charinamanta; mana munashakta pakalla ama katuchun (tinkichishka mintalay), huchachishakta utkashpa kutichinamanta; kayachina yupayta charishpa katinamanta (kikinyachishka yupay); llika pankapi munashka yanapayta, ushaytapash chaskinamanta; yuyarinakushkata chimpapurashpa kutuchinamanta; achka riksichinapak willachiyta mana hapinapak.
Imashina paktanata riksichin, nishpaka, yanapay imashina churanamanta, chaypakka llaktapak, shukllapak, ishkantikpak llankak telecomunicaciones wasikunami riksichina kan, shinallatak minkashka tantarikuna tiyakpika, shukllapak tiyakpipash economía popular y solidaria llankay wasimi rikuna kanka.
Wanachina paktanamanta, shuktakmantapash, ñawinchiymi paktarina kan, shinallakta llakichik wasimi wanachishka kanka, kayshina taripayka paktashka yacharinka.
