Mamakamchiyta allichinata ashalla pachapak minkashka kallari tantarita pusharka, tukuy minkashkaman yaykurishkakunami chayarka, paykunami ña llankay kallarirka.
Ashalla pachapak Minkashka, kallari rimayta, Mamallakta Tantanakuy SAN 2014-312-7 yupaywan arinishkatami riksichirka, chay pankaka 298 yupaywan arinishkami rikurirka, paykunami Mamakamachiyta allichichun mañashkata kallarinka.
Kay tantaripika Hatun Llankayñantami rimanka, chaywanmi Mamakamachiy allichina kallari atinakuypak shuk willayta killkanka.
Pay Juan Carlos Cassinelli minkashkata pushak, kay tantarika tukuykunapak kanka nirka, shinami punchanta llankashpa katinka, Quito llaktapimi katinka, Mamallakta Tantanakuy wasipak shuk patami tantarina shuk uku tiyanka. Kay Jorge Merizalde amawtami killkakkamayuk tiyarirka.
Kay tantaripika willakkunapash karka, paykunawan wanrurishka karka, kuyurik shuyutami rikurkakuna, chayshuyuka Guayaquil llaktapi Mamallakta Tantanakuypak wasimantami rikurimurka.
Mamakamachiy allichinata rimashka kipami Bayron Pacheco kamachiy killkak kay mushuk llankayta Kamu Kipuman ña kachana kanka nirka, chaymi kamachiy utkashpa tukunka nirka, tiyakpika llaktayukkuna yankamanta, mana kashpaka katikuymanta shuk mañayta rikuchinka.
Paymanta Luis Fernando Torres kamachiy killkak, Mamallakta Tantanakuy rimashkamanta mana anchurishkanichu, kay tantarimanta anchurina mana allichu kanka. Kay kallari tantaripi Mamakamachiyta allichinkapa imatalla rimashpa katinata churanami mutsurin, chaytami Mamallakta Tantanakuyman apana kanchik nirka.
RSA/pv/jc-kichwa
