Kay Código Orgánico Integral Penal (COIP) wanachina kamachimantami kay hunkaypika Mamallakta Tantanakuyta pushak, Gabriela Rivadeneira apukka kikinwan Maymanta rimanakuypi kay chaska puncha La Radio anta uyachikpi 8h15 pachamanta, 9:15 pachakama rimarka.
Kay shuk niki rimanakuyka Quitumbe kiti, Quito kulla suyu llaktapmi paktarirka, kaymanka kari warmi ayllukunami chayarkakuna. Mamallakta Tantanakuyta pushakka Código Integral Penal kamachiy imalla charishkata, shinallatak ayllukunapak kasiklla kawsay, kamachiy pakta chayaypi yanapashkatami riksichirka.
Kay COIP kamachiyka Código General de Procesos kamachiywanmi tinkirishka kana kan, kay kamachiytaka kay watami llukshichinapak llankakunchik nirkami, Ecuador llakta ayllukunaka kay kamachiy tiyashka punchamanta huchachinapak manchayta ashayachishkakunami, nirki.
Nirkapashmi kay sicariato llakichiykunata, pachamama wakllichikta, warmi kashkamanta wakllichiyta, wiwakunata wakllichiytapashmi rikushpa wanachin nirkami.
Warmikashkamanta wañuchiy llakichita riksirinaka warmikunata wakllichinata harkanapak kallari llankay mian, shinapash ashtawan llankana mutsurinmi, nin; kayshina llakichiktaka 22 watamanta 26 watakama wichkashpami wanachinka, shinallatak wasi ayllukunami sumakta kawsayta wiñachina mutsurin, karikuna wakllichiyta ashayachishpa nirkami. Ecuador llaktapika ña mana kullki chinkarina llakikuna tiyankachu, nirkapashmi.
Arinishka kamachiykuna, shinallatak rurarikuk killka kamukunapash.
Kay shuk wata chawpi llankaypika 22 kamachiykunatami rurashkanchik, shinallatak llankarikunmi Zirma kamachiy, Galápagos suyu llakta rikuk, Código de Procesos kamachiykunami llankarikun.
Kay Pachamamata rikuk Minkarishka apukkunak ñami kay Ley Orgánica de Bienestar Animal (LOBA) rurarina kamachiyta rikuy kallarirkakuna.
MG/pv
