Soberanía Alimentaria minkarishkata pushak, Miguel Carvajal apukka, Mamallakta Tantanakuypak killka kamayukmanka Allpa kamachiy ruranapak killkata ñami chayachikrinchik, kayshina tukuy apukkuna riksinapak shuk niki rimanakuyman kayachun, nirkami.
Kunanpi apukkunaka, llaktapi iskun kutin rimanakuypi tantachishka yuyaykunatami kimichishpa killkakun. Kay punchakunapash ashtawan willaykunata chayachinkunrakmi, shinami kay yuyaykunapash tukuy killkapi pakta pakta katun, kamachiykunawanpash tinkirishka kachun rikushpa llankakun, nirkami.
Yuyaykunaka pushakkuna imashina llankanamanta, shinallatak ista llakta ayllukuna, llankak wasikunapash kay llaktapi allpata rantishpa imashina killkachinatami rimanakukun. Shinaka imashina kay paktaykunata kamachiypi churanatami rikukun kay Ecuador llaktapika tarpuna allpa saywaka kay puchukay 20, 30 watakunapi chayllapitakmi kashka, shinaka tarpuna allpa mana mirarinapak tiyanchu, ashtawanpash kay allpapi pakta tarpunapakmi kullkita churana mutsurin, ninmi.
Kay Fondo Nacional de Tierras tantanakuy wiñachinaka, paypak yuyapika, llaktapak shuk kullki wasimi pushana kan, ninmi, chaypakka Banco Nacional de Fomento, Banco del Pacífico nakashpaka Banco de Desarrollo kullkiwasikunami tiyan, ninmi.
Katipika nirkami, kayshina yanapaytami mashkakunchik; kay Fondo kullkika allpata mana charik runakuna allpa rantichun yanapanka, nakashpaka mana pakta tarpuna allpakunata chariktapash yanapanka, kayshinaka mutsuylunaka Yunka, Chiriy llaktapikunapimi tiyan.
Kikinmanta rimashpaka, llaktayukta taripana allimi kanman nirka, Sapsi hayñikunata rikuchishka kakpipash: Sapi hayñika allpaman chayanapak, llaktaman chayanapakmi kaman. Sapsi hayñita paktashkami rikurin, nirkami.
Nirkapashmi, kay kamachiyka allpata pakta rakinapakmi kan, wasi ayllukuna kawsanapak, kaypimi shuk wasi ayllu kawsanapak, llankanapak, ishkay killapi llankashka kullkita pakta kullkita charinapakmi rikushpami rakinata riksichin, ninmi.
MG/pv
