Shuk willaypi Jorge Ochoa, Guillermo Bustamante, Vinicio Manzano pushakkuna, Rodrigo Collahuazo kamachiy killkak yanapashka, mushuk Antawa Kamachiypak 93 nikita ashata ancvhuchina rirka, kay kamachiyka antawa purichina pankata charinkapa yachana kashkata anchuchin, chaypak ranti: mushuk antawa pushakkuna yachayta, wallpata, allita yachanata charichun sinchiyachin.
Kay Vinicio Manzano, antawa purichina yachayta pushak, chaypak uchilla kamachiykunata allichina nirka, yachay ñanta , yuyaypilla, rurashpa yachanata riman, saylla kipita, wallpata allichina, yachachikkunata ashtawan yachachina, chaywan, anta purichina yachayta, ashtawan yachachun, mana alli yachashpa ñankunapi wañuykuna, takarikuna ama tiyachun kamanka.
Shinallatak, antawa purichinata yachakukkuna, alli mana alli kakta rikushka kipa yachachina wasikunata sumakyachina, patata sikachichun mañan, ANT kamaywasi mañashkata paktachina, chayta mana paktachikpika, kushka pankakunapash shitashkami kanka.
Kay Jorge Ochoa amawta, kunan punchakama antawa sinkuykuna, takarikuna mirachishkata rikuchin, shinallatak Mamallaktapak kullkipash achkata llukshishkata, waranka hunu kullkiman ña chayakun riman, hatun kamachikkuna ñankunata allichishpa, unanchakunata churashpa, antawata kamashpa, hatun llankayta rurashka kipami llakikuna rikurishka. Kay llakikuna rikurishkamantami antawata purichikkunaman yachachina kan nirka, tukuy antawa ñanta purikkunata, ashtawankarin antawata purichikkunatami yachachina.
Kay Guillermo Bustamante, antawa purichik yachana wasita pushak, antawa purichinata yachachinaka, Agencia Nacional de Tránsito kamaywasi rikushkami kan nirka, kayta nikinkapa, llankachinkapa 3568 yupaywan churashka kamachiytami katin nirka.
RSA/pv/jc-kichwa
