Kay María José Carrión kamachiy killkak kamachiy hillaykuna rimanakuyta charinkapa kayan, chaywan mintalayta harkana riman, kay hillayka Superintendencia de Control de Mercado kachashkami kan, kay 9: 30 sayllami kallarinka.
Kay tantaripika Superintendente de Control del Poder de Mercado kamachik rimanka, mintalakkunamanta kachashka pushak rimanka, payka hatun katuna wasikunapak, rantinata chayachikkunapak shutipimi rimanka, shinallatak Nacional de la Asociación de Farmacias Populares Pushak rimanka.
María José Carrión kamachiy killkak, Ecuador llaktapak Mamakamachiy 336 nikipi, Mamallaktami alli murukunawan mintalay tiyachun tankanata charin, sumak katunakunata churachun rikunata charin nirka; tukuy katukkuna alli katuchun, mutsurishka pachapi katuchun nirka.
Shinami, kamachiy killkak Superintendencia de Control del Poder de Mercado alli mintalana kamuta churarka, kay kamutaka katuna wasikuna, katunata chayachikkuna riksichun churarka, hampita katuna wasikunamanpash chayachirka.
Ñaka rimashka kamachiy hillaykunaka tukuy runakunapak kullki wiñarichunmi yuyayta charin, chaytami tukuykunaman willana kan. Chaymantami tukuy katuk tantarikuna shamuchun shuyan, china tukuykuna yuyarishpa llankana yuyayta charina, kimirinakushpa llankana nishpa kamachik riman, shina sumakkawsayta charinata purichina kan.
Katikilla
Kay kallari rimanakuy, Mamallakta Tantanakuypak José Mejía Lequerica, ukupimi kallarinka nishpa willan.
Alli katuyta charina kamuta runakunaman, katuk tantarikunaman, hampita katuk wasikunaman riksichinapika René Viteri pushakmi riksichinka, payka Asociación de Farmacias Populares tantarita pushakmi kan.
Chay tantariman chayak runakuna paykunapak yuyayta churanata ushankami, yachachikkunami tapuykunata tikrachinka.
Tukuchinkapaka tukuy Mamallaktapi kay llankay hawa runakuman riksichinkapa, shuk katikillata ruranka.
RSA/pv/jc-kichwa
