Kay Tierras Rurales y Territorios Ancestrales Hatun kamachiyta, Soberanía Alimentaria y Desarrollo del Sector Agrario y Pesquero minkashka, Miguel Carvajal ñawpashka, kunan chaska puncha, Mamallakta Tantanakuypak wasi Nela Martínez ukupi tantarirka, kaypimi kimsakutin rimanakurka, kaymanmi Mamallaktamanta 20 tantarikuna, markamanta 14 tantarikuna shamurka, kapuchik tantarikuna, sisa tarpukkuna, Mamallaktapak chinchansuyu llaktakunamanta shamurka.
Chayamukkunaman alli shamushkata kushpa, minkashkata pushak, Miguel Carvajal tawka tantarikuna, uchilla tantarikuna, paklla tantarikuna, kapukyachik tantarikuna, paykuna alli yuyayta kushkamanta yupaycharka, Allpa Kamachiy alli killkarichun pachata kushkamantami, shina yupaycharka.
Pay llankayta kallarikukpi, Soberanía Alimentaria minkashka, tawka mushuk kamachiykuna killkarichun, arinirichun utkanatami yuyachirka. Imashinami, Recursos Hídricos, Usos y Aprovechamiento del Agua kamachiy ña arinirirka, manarak kamachiyta arinishpa sapsikunapak, ayllullaktakunapak, llaktakunapak, runa llaktakunapak hayñikunata kay kamachiy llakichina yuyashpa tapurkakuna. Kay kamachiyka ñami llankakun nishpa rimarka.
Shuktak kamachiyta tankanata mutsukka: Tierras y Territorios kamachiymi kan, chaypakka pichka mushuk yuyaymanta kallarina kanchik, shukka llaktayukkunamanta kallarina kanka. “Kallaripi kamachiyta killkankapa tantarikunawan 45 rimanakuyta charirkanchik, shuktak runakuwan ishkaychunka yalli rimanakuyta charirkanchik, kay kamachiyka kikinpak makipimi kan, 2 puncha, wayru killapi arinirirka”, yapa shina nishpa rimarka.
Kay kamachiyka tukuy paklla wiñariychun kimirishkami kan nirka, shinami Carvajal kamachiy killkak rimarka; kunan llakikuna tiyakta kamaywasiyashpa llakikunata allichichun nirka, Subsecretaría de Tierras 30 waranka llakikunata allichishka kan.
Shinallatak kapukyayta kamanami kanchik; chay kamachiy wiñariypi kay yuyaykuna tiyanka, allpaka tukuy runakunata, pachamamata yanapachunmi kanka; paklla allpakunata kamanka; imashinatak hatun allpa kakta rikuchinka, chayka Mamakamachiy harkashkami kan. Kaymanta, urku allpakuna, yunka allpakuna, antisuyu allpakuna imshina kakta rikunami kan, sapan suyukunapi hatun allpakuna mashna tuputa charishkata rikuna, nishpa yapa rimarka.
Kay kamachiy, katikpi, uni watakunapak kapukkuna tiyachun mirachina, imashina ruranata achiklla sakina, Mamakamachiypak nikipi tiyak kakpi, ima kullkiwantak allpa kullkita wiñachiyna kakta rikuna. Shinallatak, tantarita yanapachun tukuylla llaktayta mirachina.
“Kay Tierras Rurales y Territorios Ancestrales kamachiyka kay wakin yuyaykunatami charin, shinapash shuktak maymutsurik yuyaykuna kanchaman sakirinka. Chaymanta, kikinkunapak pakllamanta yachaykunawan rikukuykunata, rimaykunata yaykuchichun munanchik, shina yuyaykuna paktarishpa alli kamachiy killkarichun”, nishpa tukuchirka.
EG/pv/jc-kichwa
