Kay mushuk Interpretativa kamachiyta riksichikushpa, kay Ley Orgánica de Servicio Público kamachiypak 58 nikita riksichikukpi Confederación de Servidores Públicos del Ecuador tantaripak pushak, Remigio Hurtado, ashalla pachapak llankak runakunapak llankay kullki, kay panchi killamanta shuklla tukuchun mañarka, shina shutirishka llankay kachun mañarka.
Paypak yuyaymanta, 1, 2, 3 tukuylla llankakkuna yanapankuna, shinallatak llankay kullkita charina, chayka shutichishka 4, 5, 6 llankakkuna shinallatakmi kullkita hapina kan, paykunaka 600, 700 dólar kullkitami hapin, kallarimanta llankamukkunaka 11 patamanta, 16 patakamami charin.
Kay awllik rimarka, kay patata urayachishpaka, Mamallaktapi tiyak 140 ashalla pachapak llankakuna kakpika, 350 hunu kullkimi sakirinka, 2003 watapi llankaykullki riti tukushpa sakirishkatami kutin rikunka.
Kay Mamallaktapika 315.000 tukuylla llankakkunami tiyan, paykunamanta shutichishka 275 warankakunami kan, 140 warankata hapishkaman; ashtawan, 40.426 llankana kuskakunami tiyan, kaymanka mana mishanakuyman kayanchu–paypak yuyaymanta- ashalla kullkitami hapin, kay kullkiwanka llankakkunata hapina mana usharinchu.
Kay Kamaywasikunapi llankak kamachikkuna imashina llankayñanta charikta allita rikuchun nirka, imamanta “Kay Servicio Público kamachiyta, uchilla kamachiyta. “Ministerio de Educación, 36% patsakri ashalla pachapak llankakkuna kakta, ashtawankarin 70% patsakrita mancharikta rikuchirka, shutichishka llankay kullkita anchuchishpami shina rikurin, chaypak ranti kaya punchapak, ashalla pachapak llankakkunata tiyachin”.
Kay Federación de Servidores Públicos tantarimanta kay Miguel García Pushak, 2007 watapi, 467.174 tukuylla llankakkunami karka, ashlla pachapak llankakkunata yaykuchishpa, kipaka 4 watata llankashka kipa, shutichishka llankayta hapichun nirka, chay pachami 45 waranka llankakkuna payayankakama yaykurirka.
Kay Organización Internacional del Trabajo tantari, 2013 watapi willashka washa, 584 waranka llankakkuna karka, kunan, 600 llankakkuna kan, yallik watapak llankay kullkika 9.600 waranka hunu dólar kullkimi karka, shinallatak ashalla pachapak llankakkuna 140 warankakaman paktarka, chayka 36% patsakri kullkimi nisha nin.
Chayka 140 waranka awllikkuna ashalla pachata llankankapa yaykurirka, chayka anchurita katuchishka kullkiwanmi karka, shinaka 21.400 waranka runakunami llankaymanta llukshirishka kan, imamanta anchurishka mana achiklla rikuchinchu, ashalla pachata llankankapa yaykurishka, ishkay watata llankashpa shutichishka llankayta hapinaman yaykurichun nishkami kan.
RSA/pv/jc-kichwa
