Kay Servicios Postales kamachiypak shukniki atinakuypi tawka llaktaymanta kamachiy killkakkuna, kay kamachiyta mushukyachina may mutsurikmi, Mamakamachiypak yuyay ukupimi kanka, Mamallakta kawsaywan nikirishkami kanka nirkakuna, kapukyachik sapita mushukyachinka, Mamallakta wiñarichun may mutsurikmi kanka.
Kay Paola Pabón kamachiy killkak, irpa mitachika tukuykunapakmi kan, chaymantami Mamallakta, Ecuador llaktapi kawsak runakuna allita yanaparichun kamanata charin nirka. Wullaykunata, kipikunata kachak runakuna, mashna kullki kashkata kuchun rikunatami charin nishpa yapa rimarka.
Kay telecomunicaciones hillayta mintalay, irpata shinallatak mushukyarishpa katishka, may sumak mitachi kachunmi kamana kan.
Kay Soledad Vela kamachiy killkak, kay mitachika Unión Postal Universal mitachiwan paktami kanka, mawkayachikkunapak kawsayta alli yanapachun nirka; shinallatak René Yandún kamachiy killkak karupi kikinllatak kamachikkuna kay mitachita hapina kan nirka.
Katipika, Gastón Gagliardo kamachiy killkak kunan hatun kamachikkunawan chaski llankak wasikuna mirarishka nirka, may sumaktami llankakun, kay mushuk kamachiywan irpa mitachi hayñita, llankanakunata allichinka nirka.
Shinallatak, Galo Borja kamachiy killkak courier llankak wasi tiyashkata yuyachirka. Chaymanta tawkakunami shukpaklla kan, mana kamachiy rikushka kan nirka. Kay Servicios Postales kamachiy Ecuador llakta irpa mitachita wiñachinka nirka.
Paymanta, María Augusta Calle, chay shukpaklla couriers mitachita nikina nishpa mañarka, España llaktamanta, Ecuador llaktaman kachashka kipita paskashka rikurirka, Estado Unidos llaktapak saywa kimirik paskashka rikurirka. Kay couriers llankak wasita, Ecuador llaktaman shamuk kipi, kay llaktamanta kamachik paskana hayñita charichun nirka, mana shuktak kipi purikuk llaktapi imamanta paskanata charinchu nirka.
Shinallatak, Verónica Guevara kamachiy killkak kay chaskita mawkayachikkuna, kipi chayna punchapi mana chayakpi, alli mitachita kukpi, kipi chinkarikpi mana tikrachikpi, shuktak llakikunamantapash wanay churanata ushanmi nirka,
JLVN/pv/jc-kichwa
