Chay Europa, Asia, Oceanía llaktakunapak shuti, Dora Aguirre kamachiy killkak, XXXVII kutin Purikkuna hawa Interamericano yachaypi karka, chay yachayka Mar del Plata-Argentina llaktapimi karka, shinami (OIM) tantari kayashkami pusharirka, chay yachaykunawan ashtawan katinkapa shuk hillaymi kan.
Kay yachayka Apya-yalapi purik runakunamanta llankak hatun kamachikkunaman ñanta rikuchishpami kan. Kunan watapika Apya-yalamanta, Caribe llaktamanta 16 llaktakunami yachayman rirka, shinami Argentina, Bolivia, Brasil, Chile, Colombia, Costa Rica, Cuba, Ecuador, El Salvador, Honduras, Panamá, Paraguay, Perú, República Dominicana, Uruguay Venezuela chaypi chayarka, paykunaka suyumanta, ista llaktamanta purik runakuna hawami achkata yacharkakuna..
Kay yachaykunapika: Latin Apya-yala, Caribe, Allpapachapak llaktakunapi purik runakuna hawa rimarkakuna; purik runakunapak hayñita ukllankapa, maypi kawsankapa llakta mañakpi mañachina hawa rimarka; purikkunata yanapankapa hillaykunata wiñachina; ista llaktakunapi purik runakunata yanapana llaktayta wiñachina; purikkuna tawka mutsuyta charikpi yanapana hawa rimarka.
Kay Dora Aguirre kamachiy killkak, llaktapura yanaparinata rimarka, kamachiykunata killkana hawa, tukuylla llaktayta; suyupi purikkuna hawa rikuchirka, kay Movilidad Humana en Ecuador kamachiy hawa rikuchirka.
Kay yachaypika Mamallaktapak shutipi kamachiy killkakuna, kay Grupo Parlamentario por los Derechos de las Personas en Movilidad Humana, Linda Machuca kamachiy killkakpash chaypi karka.
JC-kichwa
