Kay Argentina, Bolivia, Chile, Ecuador, Paraguay, Perú, Surinam llaktakunamanta Kamachiy Awlli tantanakuyta pushakkuna, shinallatak shuktak llaktakunamanta shamushka ayllukunami kay chaska 10 puncha ayriwa killa, Mamallakta Tantanakuypak wasi, Quito llaktapi, Parlamento Suramericano tantanakuy wiñarinamanta rimanakunkakuna, shinallatak llaktapura imashina makipuratapashmi riksinkakuna.
Kayshina Istallakta tantanakuy imashina paktakushkata riksichinkapak, Mamallakta Tantanakuyta pushak, Gabriela Rivadeneira apuk, shuktak suyu llaktapi pushak apukkunawan purikun, paykunami willachik antakunaman imalla paktakushkata, Unasur wasipi, kay chaska puncha 12:00 pachapi willachinka.
Kay hatun rimanakuyka “Mesa de Diálogo y Convergencia de Presidentes y Presidentas de Parlamentos Nacionales de los países de Unasur” shuti tantanakuymi kan, shinallatak makipuray sinchiyanata Parlamento de la Unión de Naciones Suramericanas (Unasur) tantanakuy wiñarinatapashmi rimarinkakuna, tantanakuypak wasika Cochabamba, Bolivia llaktapimi sakirin.
Kamachiy Awllita pushak apukkunaka Unasur tantanakuypak wasi kay Mitad del Mundo kuskapimi llankankakuna, kaypimi Hatun Killkakamayuk, Ernesto Samper Pizano runa, 12:30 pachamanta tantanakunka. Chishimanka (15h00) pacha chishimi Mamallakta Tantanakuy wasi, Quito kitiman tikramunka, kaypi rimanakushka katinkapak.
