Kay Justicia Laboral y Reconocimiento del Trabajo en el Hogar rurarina kamachiyka llankayta pakta yanapaykunatami charin, rikukpika, llankayta charishpa katinapak, chichu warmikunata, tantanakuy pushakkunatapash llankayta charishpa katinapakmi ukllan, chikanyachishpa rimashpa llankaymanta llukshichinata harkan, shinallatak llankakkunawan, llankachikkunawan, llakta pushakkunawanpash rimanakuy tiyachunmi yanapan.
Yanapaykuna
Llankayta rikuk Minkarishka apukkuna killkashkata apukkuna ishkay niki rimanakuypi riksinka, kay killkata ruranapakka tawka rikuykunatami charirkanchik, shinallatak llaktayukwan kimsantakmantami rimanakurkanchik, kaypimi shuk consultivo y técnico paktay Ministerio llankana wasi ukupi wiñachichun riksichin, paykunami llaktayukwan rimanakuyta paktachinka, ninmi.
Chaymantami kay rurarina kamachiyka kimsamanta makipurashpa llankana tiyachun kayachin, kayshinami mamakamachiy rikuchishkata paktachinka, shinallatak OIT tantanakuy rikuchishkatapash paktashpa, kay tantanakuymi rikuchinka, kuyuchinka, llankakkunata mutsushkatapash yuyarinakuyman kullki hapinatapash paktachinka, llankachikkunapash, llakta pushakpash llankakunata pakta makipurankapak rikuchik uchilla kamachiykunata ruranka, ninmi.
Shinaka, Consejo Nacional de Trabajo y Salarios tantanakuytami Consejo Nacional de Salarios tantanakuypak ranti wiñachin, paymanka mushuk llankaykunata, ushaykunatami Organización Internacional del Trabajo tantanakuy mañashkamanta chayachin, kayshinami kimsamanta chimpapurashpa rimanakuyka paktanka.
Llankaymanta mana pakta chikanyachiy
Kay paktay, llankaypak mushuk hayñika chichu warmikunapak, tantanakuyta pushakkunapakllami paktan. Shinallatak medidas cautelares mushukyachinapika kamakmi tukuy ñashinchiy taripakushkata pakta imashina allichinata yuyaypaktarinka.
Llullashpa rimashkamanta
Minkarishka apukkunaka Llankachik runakunakuna chikanyachishpa llakichikpi wanachiyta chaskinamantami willachin, kayshina llakichiykuna ama tiyachunka mamakamachiymi rikuchin. Chaypakka llankachik shuk llankak aylluta llankaymanta llukshichikpi chayhawapi chikanyachishpa llakichikkakpika shuk wata llankak chaskina kullkiwanmi wanachinka, shinallatak kaypika llankakta llukshichishkamanta wanachiykunapash kimirinkami.
PV
