Iskaykutin atinakuypi Mamallakta Tantanakuy 91 apuchiwan mushuk Justicia Laboral y Reconocimiento del Trabajo en el Hogar kamachuiyta arinirka, kay kamachiyka, Código de Trabajo, la Ley de Seguridad Social y la Ley de Servicio Público kamachiykunata allichin, kay paya kamachiyka wasipi llankakkunata llakichik karka, shinallaktak Código del Trabajo kamachiyta anchuchin, wasipi llankak anchurinka wasiyukta mañak karka.
Kay unipak llankayta charina hawa yalli hatun kan, kulla killa, 1 puncha, 2016 watamanta llankay kallarinka. Kay pachapimi llankayta kuk wasikuna, llankak runakunapash akllarina ñankunata allichina kan, alli llankakkunata hapinatapash allichinka.
Kay mushuk kamachiyka llaktayukkunapak kullkitami allichinka, mana kullkita hapishpa wasipi llankkakunatapash riksin, yapa yanapay kullkitami churan, chayka ishkay kuskamantami shamun, ayllumanta, Mamallaktamanta shamun, ishkantinmantami yanaparinkuna.
Kawsaykamayka wasipi kawsak mamatami mana llankay ushakpi, chawpi unkushka kakpi, kusa warmi wañukpi, payayakpi yapayay kullkiwan kamanka.
Mana kullkita hapishpa wasipi llankak runakunata unipak charinkapa riksinami tukun, kay mushuk kamachiyka Organización Internacional del Trabajo (OIT) kikinllatak kullkita mashkanata rikuchin, 40 watakama kullkita charina hawa rikuchin.
Mamallakta payayay kullkita kuna hawan, Mamallaktami payayay kullkita kuchun kamanka, kay IESS kamaywasi mutsurikpika kullkita kunatami Mamallaktaka charin.
Kay mushuk Justicia Laboral y Reconocimiento del Trabajo en el Hogar kamachiyka hapikushka 40% patsakri payayay kullkita mana kichunchu. Kamachiy mushukyayka Mamallakta payay kullkita kushpa katichunmi churan, shinapash mutsurikpillami kunata charin, mana ñawparayashpa mashna kullkita rikuna kanchu, wakin watapika yallimi kanka, wakin watapika uraymanmi kanka.
Rantinakunapak mashna patsakri wichiyakpipash tukuy watakunami payayay kullkika mirarishpa katinka.
Llankakkunami chunkakimsa, chunka chusku yapa kullkita hapina mitakunata akllanka, mayhan kullki wasipi churanatapash paymi akllanka, kullkita wakaychina ñantami hapinka, imashina kaypash wakaychishka kullkipi hapinka, wawa kullkitapash hapinkami.
Kamachiyta katishpaka, mana alli llankachikkuna tukurinka, manarak llankaymanta llukshikpimi ñan anchurina pankapi shutita aspichik karka, tukuy llankakkuna paypak munaymanta llankaymantami llukshinka, kay yanapaykunata hapinka, chay kullki hawa, llankashka pachamanta yapa kullkitapash hapinka.
Tantarikuna kullkita pushakushka hawa, tantarita pushakkuna paykuna llankashkata willana mana kanchu, mashikunapak kullkita imashina tukuchishkatapash willanata ushanmi,
Shinallatak, yanaparishkakuna, 2016 watapak, nishunlla, yanapaykunapak saywataka 2017 watapi kullki kushkata rikushpami riksirinka. .
Mushuk kamachiyta katishpaka, kay Ministerio de Trabajo charishka kipimi anchurin, kunanka achka runakunatami charin, llankay yuyarikunata rurashpa, llankakkkunata yupashpa achka llankakkunata charin, kunanka mutsurishka pankakunatallami kipunka.
Kay Ministerio de Trabajo kamaywasipi llankakkunata surkushpa utkanka, chaypakka alli rikuykunata kunka, sapan llankakpak, tantarishka llankakpak llakikunata utkashpa allichinka, tukuylla mitachikkunapak llakita allichinka, shinami llankaykuna imashina kakta riksinka.
RSA/pv/jc-kichwa
