Kunan awaki, 27 puncha, ayriwa killa Santo Domingo llaktapi, Mamallakta Tantanakuypak Soberanía Alimentaria tantari, Tierras Rurales y Territorios Ancestrales Hatun mushuk kamachiyta runakunaman riksichikun.
Kay yachayka 10:00 sayllamanta kallarinka, kay Hotel Zaracay tampu wasipi kanka, 1 waranka tupupi, Quito llaktaman ñanpimi sakirin.
Kay riksichitaka Mary Verduga, Johanna Cedeño, William Garzón kamachiy killkakkuna pushanka, paykunaka Tsáchila markamanta kachashkakunami kan, kay Comisión Legislativa tantariman kimirishkami kan.
Kay Comisión de Soberanía Alimentaria tantarimanta, Miguel Carvajal pushak, Mauricio Proaño kipa pushak, chaypi kanka, Esther Ortiz kamachiy killkakpash chaypimi kanka; Santo Domingo, La Concordia tikipak kitipushakkua; Gobernadora Marka Pushak, Markakamak kamachikkunapash kanka.
Llaktayukkuna kay kamachiykuna ima yuyaytalla charishkata riksichinka, chaypimi paykuna tapushka tikrachishkatat charinka, imashina chay kamachiyta rikushkatapash willanka.
Kay kamachiyka kapukkunata ukllana, allichina hawami ñakunata kunka, allpata charina, kamachinwan riksinatami yanapanka, paklla allpata shutichinkapa utkanka, chaypak hawalla katikuykunata churanka, shina uchilla pukuchikkuna murukunata pukuchinka; ashalla wawa kullkita hapishpa kullkita mañachichun, akllashka willayta charinka; allpakuna shukpaklla makipi ama sakirichun harkanka.
RSA/pv/jc-kichwa
