Kay Coordinadora de Movimientos Sociales tanatripak shutipi, Rodrigo Collahuazo kamachiy killkak kunanmi Mamallaktapi tarpukkunapak puncha kan, Banco Nacional de Fomento kullkiyuk wasimanta mañashka kullipak wawa kullkita mana tikrachina yuyarishka kan, kay llakita allichinaka kimsa watatami charishka nirka.
Kay llankaymanka tawka tantarikunami kimirishka, imshinami Coordinadora de Movimientos Sociales por la Democracia y el Socialismo, Conasa, Fenacle, Fenic, Asociación de Cañicultores, shukatak tantarikunapash kimirishka.
May mutsurikmi kan nirka, ushaykunatami tantachishka, kay Movimiento PAIS tantarimi kay llankayta tankakun, paykunami Banco Nacional de Fomento kullkiyuk wasimanta kullkita mañashkapak wawakullkita mana tikrachichun yanapakun, chaymanmi Partido Socialista Ecuatoriano, Movimiento Mare, Movimiento Unidad Primera, Are, Pachakutik Chimborazo, Partido Comunista tantarikuna kimirishka.
Mamallaktapi Paklla runakunapak, tarpuk runakunapak llakita allichinkapa tawka tantarikuna kimirishka, shinami Confederación del Seguro Social Campesino tantarita; Rafael Correa Mamallakta Pushakta; Agricultura y Ganadería kamaywasipak, Xavier Ponce Hatun Kamachikta; Finanzas, Fausto Herrera hatun kamachik; Comisión de Régimen Económico pushakta yupaycharka, pakllapi kawsak runakunata yanapakpimi yupaycharka.
Shinami kay Banco de Desarrollo Rural kullkiyuk wasita ñawpakman tankachun nirka, kay wasimi Banco de Fomento kullki wasipak ranti llankanka nirka,“aymuray killapi ishkay kamari tiyanka: shukka llankakkunapak, shuktakka mamakunapak tiyanka, kay Seguridad Social kamay wasiman shuk hunu ishkay patsak warmikuna yaykurinka; pakllapi kawsak 40 waranka yalli runakuna mañashka kullkimanta wawakullkita mana tikrachinka”.
RSA/pv/jc-kichwa
