Kay Comisión Ocasional 90 yupay tantaripi Mamakmachiy Mushukyay Tantariman Santo Domingo de los Tsáchilas llaktaman kunan tutamanta chayarka, chaypimi runakunapak rimanakuypi yuyaykunata hapirka.
Kay Mamakamachiyta mushukyachina tantaritaka llaktayukkuna yuyayta kuchunmi rurarka, 16 nikikuna hawa allimi kan nishpa, mana allichu kan nishpa yuyaykunata kuchunmi karka, chay yuyaykunata hapishpami Mamallakta Tantanakuy Mamakamachiyta allichinka.
Mamakamachiyta mushukyachinaka kamachiypak ukupimi kan, paymi Mamakamachiyta mushuyachichun ñanta pashkan, kaytaka 441 nikipimi rimakun, kaypimi llaktayukkunapak hayñikunata hatunyachichun, sinchiyachichun rimanakurka.
Kay llankayka may sumakmi kan, kaymi Ecuador llaktapi kawsak runkauna llaktakunaman chayak, shuk Mamallata Tantanakuyta charichun mutsurirka, punku paskashka llaktayta pushakun, llaktayukkunawan rimanakushpa kunan mutsurishka kamachiykunata paktachikun.
Llaktayukkuna tantarikunapi kashpa, paykuna Mamakamachiy mushuyana hawa alli yuyaykunata kurka, shinami ishkaykutin atinakuyta charichun yuyaykunata kurka, kay llankaykunami kapak killakama Mamallakta Tantanakuyman mushuk yuyaykuna chayachinka.
Shinami, kay Comisión Especializada Ocasional tantari, Mamakamachiyta mushukyachina llankaywan Montecristi, Guayas, Imbabura, Latacunga, Chimborazo, Azuay, Loja llaktakunaman chayarka, kunan awaki, 4 puncha, aymuray killa, 2015 wata, 11: 00 sayllapi Santo Domingo de los Tsáchilas llaktaman chayarka, chaymi ASOMED wasi ukupi tantarirka, chayka Quito ñanpimi sakirin.
Mamakamachiy mushukyachina hawa tantarikuman rihspa, ankikunapi uyashpa, kayashpa, willak pankakunapi willashpa, Mamallakta Tantanakuypak zirma pankapi killkakunata kachashpa yanapanami kanki.
JC-kichwa
