Mamallakta Tantanakuyta pushak, Gabriela Rivadeneira, kawsayta kuyashun nishpa rikcharishunchik nirka, Istallakta Antitauromaquia tantarita kallarichirka, chay tantarika allpapachapi 100 antituarinos tantarikuna wallparishkami kan nirka.
Takarik yuyaykunawan chimpapurami mutsurin mama Rivadeneira rimarka, allpapachapi tukuy kawsayta charikkunata sumaychanatami charinchik nirka. Shamuk watakuna ima yuyayyuk runa kana hawa llaktakuna rimanakuna mutsurin nirka,
“Kay Ecuador llaktapika ñawapamanta shamuk runakunapak yuyayta hapishkanchik, chay yuyaykunaka 2008 watapi killkashka Mamakamachiypimi tiyakun nirka, imashina Pachamamata rikun chayta hapishkami kan, allpapachapi pakta pakta kawsana hawami kan”, nirka.
Kay Ecuador llaktapak Mamakamachiyka Sumak Kausay yuyaytami charin, runakuna, pachamamawan wawkishina kawsana yuyaytami charin nirka. “Sumak kawsayta tukuykuna kawsanatami rikuchin, runakunalla kawsanata mana rikuchinchu, tawkasami kawsayta sumaychanatami rikuchin”.
Llaktay tantarikunapak, tantanakuykunapak mushuk yuyaykunami runakuna ushayman chayachun kallarik sapi yuyay kan. Chay 2011 watapi hatun tapauy tiyashkamai ashtawan yuyachin, chay tapuypimi llaktakuna wiwakunata tukuypak ñawapakpi ama wañuchichun arinirkakuna.
” Ecuador llaktamanta achka runakunami piña wakrata ama wañuchichun arinirkakuna. Chay arinishkawanmi tantarikuna Sumak Kawsay tiyachun shuk mushuk tatkita kurka”, rimarka.
Mana allikuna tiyakta hamishpami mushuk yuyayta charik runakunata wallparin, Rivadeneira rimashpa tukuchirka, ashtawankarin kawsayta ukllankapa, kawsay wiñarichun nirka. “Ñukanchik Mamakamachiymi allpapachapi pachamama hayñita charichun riksin, mana kawsaypi llaktay llankaywan chayashpaka, ñukanchikpak kawsayta mushukyachishpa, allpapachapi kawsayta mama allichikpika yanka rimaymi uyarinka ”, kutinktak shina rikuchirka.
Kay Red Internacional Antitauromaquia tantariman kamachiywan rikuchirka, Mamallakta Tantanakuypak wasim ukupimi shina rikuchirka, wiwakunata ukllankapa kamachiyta charinka sinchi llankay karka, tukuysami waktay ama tiyachun, tukuypak ñawapakpi ama wañuchichun nirka.
Kay ista tantaripika Ecuador, España, Venezuela, Portugal, Francia, Alemania, Bélgica, Estados Unidos, Reino Unido, Colombia, México, Perú, Irlanda, Suiza, Holanda llaktakunamanta tantarikunami kaypi karka.
Kay holandesa CAS (Comité Antitauromaquia) tanarimanta: Maruis Kolff (Holanda), Marta Esteban (España), Estefanía Pampín (Holanda) tantarikunami rimayta charirka.
JC-kichwa
