Kay Contigo ¡De Ley! Rimanakuypi, La Merced kitilli, Quito kitimantami Mamallakta Tantanakuyta pushak, Gabriela Rivadeneira apukka kay wanra 12 puncha aymuray killami apukkuna tantanakushpa Llakta pushak kay Código General de Procesos killakta allichinaman kachashkata riksinkakuna, nirkami.
Kay kamachiyka Código Integral Penal kamachiy paktarinatami yanapanka, shinallatak kay llaktapi kamay pakta tiyanatapashmi sinchiyachinka, nirkami. Kay arinishka kamachiywanka 34 kamachiykunami arinishkapi tiyanka, kashnami Mamallakta Tantanakuyka 2013-2015 watakuna ukupi llankashka, nirkami.
34 kamachiykunatami arinishkanchik, tukuyta rikukpika shuk kamachiyta killapi arinishka shinami rikurin, kay kamachiykunami Ecuador llakta ayllukunata yanapanka, tawka kamachiykuna rurashkata yallika kunkarishka ayllukunata yanapanapakmi llankashkashkanchik, shuklla sinchiy llaktata charina munaywan, kayshinami Ecuador llaktayuk, llankak runashina riksirinkapak kashun, shinami kawsay mushukyayta paktashun, nirkami.
Shinallatak, Mamallakta Tantanakuyma shamuk 14 puncha aymuray killami pushakukkunata 2015 – 2017 watapak akllankakuna, Kamachiy Awlli Minkarishkata pushakkuna, kay Consejo de Administración Legislativa tantaripi pushakkunapashmi akllarinka.
Ishkay watatami llankashpa paktachishkanchik shinapash shamuk ishkay watapi llankashpa katinapak, kaypimi kanchik, kashnami Gabriela Rivadeneira apukka nirka.
JLVN/pv
