Kay 2015 watamanta, 2017 watakama, Mamallakta Tantanakuypak Gabriela Rivadeneira kamachiy killkak Pushak; Rosana Alvarado Kipapushak, Marcela Aguiñaga Ishkayniki kipapushak tukurkakuna.
Kay Gabriela Rivadeneira, 105 apuchiwan Hatun Pushak tukurka, Rosana Alvarado100 apuchiwan Kipapushak tukurka, Marcela Aguiñaga 100 apuchiwan Ishkayniki kipapushak tiyarirka. Virgilio Hernández, Nicolás Issa kamachiy killkakkunami paykunapak shutita akllarichun churarka.
Mamallakta Tantanakuypak 329 yupay tantaripi, kimsa warmikuna, llankayta, awkikayta, pushayta, yanapayta, ñakarita Mamallakta Tantanakuypi rikuchirka. Shinallatak 2013 watamanta 2015 watakama kamachiykunata arinishpa llanakshkata rikuchirka, kimsa shayaykunatami rikuchirka: kullkimanta llankana, runakuna paktapakta kana, paktakaywan kawsanata yachachun rikuchirka, kaykunata paktachinkapa Mamallaktami llankayñanta, nikinata rikuchinka, ashtawankarin tiyakkunata paktapakta rakirichun rikuchirka.
Kay Universidades, Consejos de Igualdad wiñachina hayñikunata paktachishkata rikuchirka, runakunata mushukyachina, paykunapak kamaywasikunata, Mamallaktata mushukyachinkapa. Ista llaktapak kamachiykunata, yuyarikunata arinshka willarka.
Mamakamachiy rikuchishkawan, Orgánica de la Función Legislativa kamachiy rikuchishkawan, kay Consejo de Administración Legislativa kamachikkunata akllarka, shinami Gabriela Rivadeneira, Rosana Alvarado, Marcela Aguiñaga pushakkuna tukurka, shinallatak; Fausto Cayambe shukniki rimayta charik, Carlos Bergmann ishkayniki rimayta charik; Verónica Arias kimsaniki rimayta charik tukurkakuna, chuskuniki rimayta charik shamuk punchakunami akllarinka, shinapash Diego Salgado Rivadeneira 18 apuchita charirka, kaywanmi akrinkapa shayarirka.
Kamachikkuna Libia Rivas, Christian Proaño tukuykuna yuyarishpami Mamallaktapak Secretaria y Procesecetario, 2015 watamanta-2017 watakunapak kachun akllarka, paykunaka 128 apuchita charirkakuna.
Shinallatak Cotacachi llaktamanta Plaza Cívica, Juan Montalvo, Carmen Farinango, UNORCAC tantarimanta, aknashpa, rurukunawan Mamallakta Tantanakuypak kimsa warmikunaman mushuk ushaykunata kurka.
Imashinami allpamama murukunata kun shinallatakmi Gabriela Rivadeneira, Rosana Alvarado, Marcela Aguiñaga pushakkuna mushuk llankaykunata llaktakunaman chayachinka nishpa, Carmen Farinango rimarka, kay pushakkunami paktapakta, tawka kawayyuk, sumak rurayyuk, mushuk Mallaktata tukuchun llankaykunawan ñakarinka, shinami tukuykuna yanaparishun nirka.
Kay Gabriela Rivadeneira Mamallakta Tantanakuyta pushak aknayta yupaychashpa, paypak arinishkawan kuyaywan Mamallaktamanta ñakarishpa llankana, ñukanchikpak kawsayta mushukyachishun nirka. Kay llankaytaka mana warmikunalla pushanata charinchikchu, tukuy Mamallakta Tantanakuypak mushukyayta mashkak kamachiy killkakkunami llankanata charinchik nishpa rimayta tukuchirka.s.
Kutin, Rosana Alvarado Kipapushak, Mamallakta mushukyayta tantakuk mashi kamachiy killkakuna, “washaman rikunata mana usharinkachu” nirka. Kunanka kimsa makanakuk warmikunami ñukanchikpura makita kunchik, sinchi llankaykuna shamukta rikushpami shina sinchita ukllarinchik, tantarishpami churashka aknaykunata mishashun nishpa tukuchirka.
Paymanta, Marcela Aguiñaga kipapushak, kunanmi yalli ushaywan tukuy shunkuwan sinchita llankankapa ushayta kun, tukuykuna pakta pakta kawsankapa shuk Mamallaktamanta llankankapa ushayta charinchik, paymi tukuy paktapakta kankapa kallaripi churanka.
Ranti, Milena Mora kamachik, Pomasqui llaktamanta Colegio Santo Domingo Savia yachanawasimanta, Mamallakta Tantanakuypi kimsa chanina warmikunami tiyan nirka. Ecuador llaktaka muskushka llaktami kawsaypi kay tukuri watakunapi rikurin, llakta ushayyuk, awkikay, tawkasami kawsayyuk, hatun chikan chikan kawsayyuk Mamallaktami rikurin nirka.
Mamallaktamanta llankayka, Eloy Alfaro, Simón Bolívar, Eugenio Espejo, kimsaManuela, pushakmamta rimaymi kan, paypak mushukyaymanta, kishpiyrinkapa Kallarik Kaparimanta, rimaymi kan, Inca runakuna shinchita shayarishkamanta rimaymi kan. Kunanka, kimsa warmikuna Mamallakta Tantanakuyta pushakuk Mamallaktapi kanchik, tisiku runakuna yanapayta chaskin, maypi pakta runakuna 16 watata charishpa apuchinata ushak llaktapimi kanchik nishpa yapachirka.
JLVN/pv/jc-kichwa
