Kay Parlamento Latinoamericano XXX tantaripi amawta yachaykunata pusharirka, chayka "Willaypak llankaypi, llakta ushay willaypi sumakruray willaykunapash” karka. Chaypimi Rosario Lufrano karka, payka Argentina llaktapi tukuylla karu rikuchikta shayachik, tankakpashmi kan, tukuylla willana hillaykunami Mamallakta willaykunawan llaktayukman chayankapa shuk ñan kan nishpa rikuchirka.
Chay Parlamento Europeo tantaripak willana hillaykunata pushakpash karka, paypash rimanakuypi rikuchirka, Mamallakta Tantanakuypak willana hillaykuna ñankunaman llukshina, llaktayukkunawan rimarina may allimi kan, shuk kuskapilla mana sakirinachu nirka.
Ñami 4 wata, PARLATINO tantarika, Mamallakta Tantanakuykuna paykunapak llankashka willaykunata llaktakuman chayachichun arinirka. Tawka minkashka tantarikunami willana hillay llikakunata wallparkakuna, chaymantami PARLATINO Tv shutiyuk willana hillayta wiñachinkapa yuyarirkakuna.
Chaymantami XXX niki Hatun tantarika, ishkay kutin karurikuchik rimankuyta charinkapa Mamallakta Tantanakuykuna tantarirka, chaymanmi Cuba, Venezuela, Perú, México, Chile, Ecuador llaktakunamanta Mamallakta Tantanakuypak willana hillaykunata pushakkuna shamurka, paykunaka willay hawa yachanakurka, shinami PARLATINO karurikuchikta mirachinkapa allita rikurkakuna.
Kay Ramiro Espinosa, Ecuador llaktapi Mamallakta Tantanakuypak karurikuchikta pushak, tawka willana hillaykunapi willaykunata riksichishkata riksichirka, shinami Mamallakta Tantanakuypak Ankipi Karurikuchik willashkata uyachinchik, chaymi ashtawan willaykuna llakatakunaman chayachishka.
Kay hatun tantarimantaka Mamallaktakunapak karurikuchik, maypimi PARLATINO tantarishpa rimakushkakunata llaktakunaman mutsurikkunata willana hawa arinirkakuna, kay llankaykunataka sapan Mamallaktakunapimi pushana kan.
LE/pv/jc-kichwa
