Yana llaktapak shuti Mamallakta Tantanakuypi llankak Alexandra Ocles kamachiy killkak, kay Organización de Naciones Unidas, yana llaktakunaman Decenio del Pueblo Afro yuyarita surkushkawan, paykunapak hayñikunawan kushiyarinka, kay yuyariwan Mamallaktakunapi achka ruraykuna, rimarikuna tiyanka, shinallatak llaktakunapipash riksina llaktaykuna sinchiyachun llankaykuna tiyanka, chaykunawan yana runakunapak kawsayta, yanapayta tukuy Mamallaktapi riksinka.
Chay Brasil, Uruguay llaktakunapak kipaka Ecuador llaktami yana runakunata charin, yanapak hatun kamachikkunamanta arinishka shuk llaktaywanmi riksin, kawsayllapikta anchuchinkapa ñakarinka, sapan Mamallaktapak, Hatun kamachikkunapak llaktaywan yana llaktakunata yanapankapa kallarishka.
Mana pantashpa, kaymi yana llaktakunata runakunapak kawsayman yaykuchinkapa kallarik ñankunata churan, ñukanchik llaktamanta rimashpaka afroecuatoriano shutiwan yaykurin, kay Ecuador llaktapika, Revolución Ciudadana tantarimi 8 watapi maymutsurik yanapaykuna rurashka, shinapash Hatun kamachikkuna, ayllullakta kamachikkuna yanapaykunata sichiyachinami kanchik.
Kay kamachiy killkak, yachaypi, allikawsaypi sumak yanapaykunami tiyan nirka, hatun kamachikmi yanapay munayta, llankaypi kullkitapash churashka nirka, chaytami yana llaktakuna yanaparishka, kunanka achka yana ayllukunami wawakunata yachana wasiman kachan, ñawpa kamachikkunapi mana shinachu rikurirka. Ashtawankarin, wakin yana pakta runakuna pakta yachayta charinkapa yanapay kullkitami hapishka, hatun yachayta charinkapa yanapay kullkitami hapishka.
Kay Alexandra Ocles, tukuy ñawpaykuna tiyakpipash, ñawpa runakunapak kawsana llaktakunapika allikawsay manarak chayashkachu, chayka Imbabura, Carchi, Mira, Esmeraldas llaktakunapimi sakirin, hampikunata chaskinkapa hatun llakikunatami charin, kay llakikunamanta chikanyachishka yana llaktakunamanka hampikuna chayashkami, asha asha wakchayayta ashayachishkami kan.
JLVN/jc-kichwa
