Kay Régimen Económico Minkashkaman Virgilio Hernández, Galo Borja kamachiy killkakkuna yaykurin, paykunaka 2015 watamanta 2017 watakama pushanka.
Kay Virgilio Hernández tantarita pushak kashpa, kay ishkay watapika Mamallakta Tantanakuypak llankana katikillapi tiyak mushuk kamachiykunatami paktachinka nishpa rikuchirka.
Kay tantaripika utkashpa llankana mushuk kamachiytami allita rikuna kan, shinallatak Mamallaktapak Hatun Kullkitapash alli kachun katina, allita tukuchichun rikunami kan nirka.
Kunanpash arinishpa tukuchina kamachiykunatami charinchik, imashinami Hidrocarburos kamachiyta allichishpa tukuchinami kanchik, kay Economía Popular y Solidaria mushuk kamachiyta allichinami kan.
Kunan wata, ayriwa killapi, kullkiyay hawa achka runakunawan hatun rimanakuy pashkarirka, tukuylla llaktayta tiyachinkapa tiksi ruranata kallarirkakuna, chaywan pakta pakta kachun tantankapa ñanta paskarka, shinallatak tukuylla, yanapak kullkita tinkinkapa, runata kallaripi churankapa yuyayta kurka.
Kay Economía Popular y Solidaria kamachiyta allichinkapa ñami kallari atinakuyta charinka ñami killkashka taririrka, kay kullki hawa llankayta paktachinkapa tawka tantarikuna rikuyta kushka chaypimi sirikun, kunanmanta kallari llankayka, chayman yaykurishka tantarikuna rikuchishka, yuyayta kushkakunata utkashpa wallpanami kanka.
Pay Virgilio Hernández paypak llankayta arinishkata paktachinami kanka, mana pantashpa, Mamallaktapi yuyashpa, achka runakunapi yuyashpa paktachina nirka.
JLVN/pv/jc-kichwa
