Pachata mana kichushpa, Rafael Correa Delgado Mamallakta Pushak, Nela Martínez Espinoza ukuman chayarka, Mamallaktapak kamachikkuna, istakamachikkuna, kamachiy killkakkuna, tantanakuyta pushakkuna huntakpi Hatun Tantari kallarirka, shinami 147 nikipak, 7 yupaypi Mamakamachiy rimashka paktarka, kaypimi kay Mamallakta Llankayñanwan llankay paktashkata willarka, shamuk wata paktanatapash willarka.
Kallari pachapi rimayka Estandarte Nacional yaykuymikarka. Kipaka chay ukupi kak runakuna, kamachikkuna Ecuador llaktapak Hayllita takirkakuna.
Kimsaniki rimayka, Gabriela Rivadeneira, Mamallakta Tantanakuyta pushak tukuy kayman chayamukkunata naparka, Gabriela Rivadeneira Mamallakta Tantanakuyta pushak, Ecuador llaktapak llakta ushay katikuypi Mamallakta Tantanakuy achkata yanapashkata willarka, Mamallaktapi tawka mushukyaykuna tiyan, kaymi runakunapi mushuk kawsay kan nirka. Shinapash charikkuna, kullkiyukkuna pusak wata washa paykunapaklla kakta kichushkamanta piñarishka kan nirka.
Kay aknayta katishpa, Ecuador llaktaman hatun takikunawan, kay Mamallaktamanta tantachishka takiwan shuk awkikayta kararka, shinami afrodescendientes, Papá Roncón tatikwan, Tres Marías takikkuna; Édgar Palacios takishka, Héctor Jaramillo paypak Pututu wan takirka, Jesús Fichamba, Fresia Saavedra Miño Naranjo; cantautor Hugo Idrovo, “Mi Ecuador Querido” takikunata uyachirkakuna.
Pichka nikipika, Rafael Correa Delgado Mamallakta Pushak, rimayta hapirka, shukni rimachiyta charirka, kallaripika llaktay yuyayta rimarka, Mamallaktapak wakin wiñaykawsaytapash rikuchirka, José Flores kallarik Mamallakta Pushakmanta, 1979 watapi, Jaime Roldós Aguilera Pushakwan, llakta ushay tikramushkata rikuchirka, shinapash chay pushak 24 puncha, aymuray killapi, 1981 watapi wañushkata yuyarichirka, antanka tukyashpa wañuchishkata, kunankama mana imashina wañushka mana achiklla kakta willarka.
Shinallatak, tawka paktashkakunata rikuchirka, punkarapak chani urayashpa llakichikpi, euro kullkiwan rikushpa, dólar kullki urayakpi, saywapi kawsak Mamallaktakunapak urayakpi, kanchamanta katunakunapak chanita wichiyachishkanchik, shinami Mamallaktapak kapukkunata wichiyachishkanchik “Punkarapak chani urayakpi, kullkita rikushpalla llankaypi churashkanchik”, nishpami rikuchirka.
Kipaman, llankayta pushak Hatun kamachikkuna, paykunapak llankana kuskapi rikuchirkakuna. Paykunaka: Patricio Rivera, Política Económica llankayta, Hatun kamachik llankashkata, llankakkunapak hayñi paktashkata rikuchirka, kullkita washaman churashpa, runata kallaripi churashpa llankashkata willarka. Kay Ecuador llakta, 2014 watapi, América Latina llaktakunapak yallita wiñarirka; 10 runakumanta, chusku runakunami wakchayayta sakirka nishpa rikuchirka.
Tawkamanta, Cecilia Vaca Jones, kay Coordinadora de Desarrollo Social hatun kamachik, 141 dólar kullkimanta, 2014 watapi 575 dólar kullkiman yallirka. Kamaypi, Mamallaktapak Killkakamayuk, César Navas Vera, achka kamashka Mamallaktami kanchik, runakunami kayta paktashka nirka, kutin Andrés Arauz Galarza, kay Ministerio del Conocimiento y Talento Humano, wawakunapi, pakta runakunapi, yachaykuna wiñarishka nishpa hawaman churarka, sumak yachaykuna tukushka nirka.
Katipi Jorge Glas Espinel, Mamallakta Kipapushakman rimana pacha chayarka, payka kapukyay sapi mushukyanamanta ashtawankarin rimarka, Ecuador llakta zirma ushayta charichun rimarka, ishkayniki llankaypika murukuna tarpuna, pallana llankaykuna kapuk wasi tukuchun yuyachirka.
Mamallakta Kipapushak rimashka kipa, kay Nathalie Cely kamachiy killkak pukyachik hawa rikuchirka, kay watakuna llankaypimi mana punkaramanta kapukkuna rikurirka nishpa rikuchirka. Shinami kay 2015 watapi, 13 waranka hunkullki wiñarishka, chaypakka 1.493 kullkitami churashka kan.
Kipaman, Rafael Poveda Bonilla, Zirma hawa Llankak mushuk Ecuador llaktapi kawsanchik nirka, muskuykunata paktanata ushakunmi nirka, munaykuna paktakun nirka, kay chanita rikushpa, kay watakunallatakmi pusak zirma wasikunata ruranchik nirka, kaywanmi Mamallakta achka kullkita wakaychinka nirka, chuya zirmawanmi achka yanapay tiyanka nirka.
Chishiman, Rafael Correa Delgado Mamallakta Pushak, kutintak rimarka chaypimi shamuk punchakuna, mushuk kamachiykuna Mamallakta Tantanakuyman kachana nirka, charishkakuna (tukuylla llankaykuna rurashkamanta chani wichiyashkamanta) kullkita hapina, chay kullkika kikinllatak karupi kamachikkunaman kullki yaykurinka nirka; shukmanta rimashpa chay Código de Economía Social del Conocimiento kamachiy hawa atinakunka nirka.
Shuwaykunata anchuchinkapa ashtawan ukuman llankana, kamachiywan takarikta rikuna nirka. Hatun kamachikman llaktay chanita mana rikuna, willana nirka. Kutin akllarina hawa, maypimi mushukyay mutsurin chaypi kana nirka. “Mana ñukalla kanichu, tukuy llaktami kani nirka, mushukyay katichun alli kanka nirka”.
Mamallaktapak hatun tantari chusku saylla, chawpita rimashka kipaman tukurirka.
EG/pv/jc-kichwa
