Kay Santo Domingo de los Tsáchilas llaktapi chay Ordenamiento Territorial y Uso de Suelo kamachiy hawa runakuman riksichirka, chaypimi kullki tantarikuna, kiti ayllullaktakuna, tantarikunapash riksirka.
Kay rimanakuyman Santo Domingo llaktamanta Martha Rosero kiti kipapushak, kunakkuna, Kititantaripak ukukunata pushakkuna chayamurka, paykunaka kitipak llakikuna tiyashkatami rikuchirka, kay kamachiy wiñarichun yanpanchik nirkakunapash, alli wasikunata shayachinkapa alli pampakunata mashkana kakpimi kay kamachiy arinirichun yanaparkakuna.
Paymanta, GAD San Jacinto del Bua shulkata pushak, José Mena kamachik, llankana pampakunata nikinkapa, shulkakunapi, tukuy kitipi llankak kamachikkunami yanapana kanchik nirka, kay kamachiymi maypilla kapukyachik allpata, tarpuna allpata rikunkapa saywa tiyachun achkata yanapanka nirka.
Shinallatak, Johanna Cedeño kamachiy killkak, kitikuna, kay Santo Domingo llakta, pamapakunata mana nikishpa, llankayñanta mana charishpa wasikunata rurashka rikurin, allpakunata kichushpa wayka hapishka rikurin. Chay llakikunata rikushpami kunanka Mamakamachiywan kimirik kamachiy wallparikun, paktaraki kitita rurana, kamay tiyachun, llankay ñanta rurachin nirka.
Rimayta Tukuchinkapa, pushakkuna, kamachikkuna, kay mushuk kamachiy tiyachun yanaparka, Mamallaktapi Función de Transparencia y Control Social kamachik tiyarichun, pay kamachiyta rikushpa paktachichichun, kamachun nirka.
JC-kichwa
