Kay Milton Gualán kamachiy killkak kay Ministra de Salud, Carina Vance hatun kamachikta, Mamallakta Tantanakuyman kayan, kay kayayka imashitak dengue unkuyta, chikungunya unkuyta harkankapa llankakushkata riksichichun kayan.
Kay kamachiy killkak, Ecuador llaktapika, dengue unkuywan 12 waranka, chikungunya unkuywan 7 waranka unkukkunami rikurishka, kay llakitaka hatun kamachikmi kutsiklla harkana rikurin, kay unkuywan wañushkakuna rikurikpikarin ashtawanmi utka hampina kan nirka.
Hampi Hatun Kamachikmi kay unkuypak hampikunata charina karkan ninmi, kaykunata willachunmi kayta minkashka hatun kamachikta kayarka, “ kay unkuywan ama wañushkakuna tiyachun, imanishpatak manchaypi mana churashka, kunamanta harkankapa imashinatak kay hawa llankakrin, willana hillaykunata uyakpika 19 markatami llakichikun nirka”.
Chay Esmeraldas kitimanta kunak, Silvio Burbano González, kay Dirección Provincia de Salud, kamaywasimanta 7 waranka runakunami chikungunya unkuywan unkushka rikurin nirka, chayrak kay willay pantami kan, sapan ayllupimi kimsa runa kay unkuyuywan unkushka nirka.
Kay Esmeraldas kiti kunakmanta, kitipak COE tantari, kay unkuymanta hatun llakimi kan nishpa hatun willayta rurachun nishpa, shinallata markapak COE tantariwanpash rimanakuna mutsurin nirka, kay mana kitimanlla chayanchu nirka, Esmeraldas markapak tawka kitikunatami llakichin, chaymanta tawka tupukunawan yanpana nirka, kay unkuy ama katichun harkanata usharinmi.
PV/jc-kichwa
