Kay Grupo Parlamentario por los Derechos de las Personas en Movilidad Humana shuk runa, Junta de Política y Regulación Monetaria y Financiera, Patricio Rivera yaykurin, paykunaka purik runakuna mañashka kullkiman yaykurichun uchilla kamachiyta killkankapa tantarinkuna, imashina purik runakuna llakita charikta rikushpami kullki llakita, mañachishka kullkita rikunka.
Kay Linda Machuca, Mary Verduga, Blanca Argüello, Dora Aguirre shuktak kamachiy killkakkunapash tantarirkakuna, kay tantaripimi purik runakuna kullkita charinkapa llakita charishkata rikurkakuna.
Kamachik Linda Machuca, Grupo Parlamentario tantarita pushak, purik runakuna paypak llaktaman tikramushkakuna, pakalla kawsakukkuna hayñita charichun tantarishpa llankana nirka, shinallatak Dora Aguirre kmacvhiy killkak, tikramushka purik runakunami kullkita mañankapa llakita charin.
Kay Machuca kamachiy killkak, Mamallaktapi purik runakunata mushuk llankayta paypak llaktapi charichun yanapachun nirka. Shinami Rivera Hatun kamachikta shuk sumakrurakkuna tantarita wiñachichun, paykuna Grupo Parlamentario por los Derechos de las Personas en Movilidad Humana tantarita yanapachun nirka. "Tikramushka runakuna mushuk llankaykunata wiñachichun nikina mutsurin", nishpa rimarka.
Paymanta, kay Junta de Política y Regulación Monetaria y Financiera, Patricio Rivera pushak, sumakrurak tantarika kunanmi mutsurin nirka, shuktak llaktamanta tikramushka purik runakunaman shuk kallarik llankayta churankapa allimi kan nirka, shuk kullkita mañachina llikata wiñachina, chaywan yanaparishpa llankachun rimarkakuna.
Shinallatak Patricio Rivera, kay Código Orgánico Monetario y Financiero kamachiypak wakin nikikunata allichina nirka, chaymi tikramushka runakunata yanapanka nirka. Kay Junta tantaripak kullkita mañachina llika hawa kallaripi llankanami kanka, tikramushka runakunaman hatun yanapaymi kanka.
Kay tantaripika tikramushka runakuna mañashka kullkiman yaykurichun shuk kullkiyuk wasipi kullkita churachun shuk ñanta mashkanatami yuyarirkakuna, shina kullkita mañashka kullkita chaskichun, shina pay yachashka llankayta ñawpakman pushachun nirkakuna.
Tukuchinkapa, kamachikkuna kay Código Orgánico Monetario y Financiero kamachiyta pushankapa kay mushuk llankaypi yanapankapa arinirkakuna, shina tikramushka runakuna kullkita mañankapa yaykurichun nirka, chaypak kay Corporación Nacional de Finanzas Populares (CONAFIPS) yanapachun mashkanka, shinallatak Ministerio de Inclusión Económica y Social (MIES) yanapachun kayanka.
JC-kichwa
