Chay Manabí markamanta Carlos Bergmann kamachiy killkak, kay Consejo de Administración Legislativa tantariman yaykurishka, kay wacha, 30 puncha, aymuray killapi, purichinalla killkana ukuta churanka, chayka Santa María kuskapi, Manga del Cura llaktapi kanka, El Carmen kitipini tiyarinka, chaypimi pay llankashkata llaktakunaman willanka, Mamallakta Tantanakuypi arinishka hatun kamachiykunatami riksichinka.
Kay llaktayukkunapak tantarika, “Muskuchik Hatun tantari” shutimi kanka, 09:00 sayllamantami kallarinka, Manabí ñanpi kanka, 8 de Diciembre ñanpi kanka (Cuerpo de Bomberos) kamaywasi chimpapurapi kanka, achka tantarikunami chayanka, uchilla suyumanta tarpukkuna, Mamabí llaktamanta kamachikkunapash chayanka.
Llaktakunaman chayana, llaktayukkunaman imashina kamachiy chayashkata riksina yuyaymi kan nishpa kamachiy killkak rimarka. Llaktakunapi wiñarichunka tantarina shuklla ñanmi kan. Ecuador llaktapi kawsak runakuna sumak kawsayman paktachunka tukuy llaktayukkuna yanapanani mirrachishpa rimarka.
Kay Carlos Bergmann kamachiy killkak tukuy Manabí markapi kawsak runakuna chayachun shuk kayayta wallparka, paykunami kay llankaypi kanka, shina kamachiykunata hapishpa llankachun, chay kamachiykunata paktachichun mañarka.
JLVN/pv/jc-kichwa
