Kanchis puncha, aymuray killa, 2011 watapi, Mamallakta Tantanakuypak Anki llaktayukkunapak shunkupi yaykurinkapa wiñarirka, willankapalla mana kanchu, yachachichun, asichichun, tawkasami llaktaman yaykurichunmi kan.
Chusku wata kipa kay willana hillayka, Mamallaktapak 24 markakunaman chayakun, chikan chikan yachaykunatami chayachinkun, tukuy munaykunaman, tukuy mitakunaman chayan.
Tukuy rimaykunaman kuskata kun, chaymantami kawsaypura yachaykunata chayachin, kichwa shimita rimakkunapash ankipak ayllumi tukun.
Kunan puncha Ankika chusku watatami paktachirka, Kerly Torres kamachiy killkakmi aymuray killa, 1 punchapi wañurka, Manabí markamantami karka, chaymantami Mamallakta Tantanakuy yanata churarishka karka, kay kamachiy killkakka llankakkunapak hayñimanta ñakarishkamantami shinarka.
Kay “Tukuykunami Anki kanchik” yuyaytami uyachirka, 10:00 sayllamanta, akllashka kayashkakunami Ankitaka pusharka, ña chusku watapi kamaywasi tukushkamantami akllashka yachaykunata kurka, kay (willakkuna, shuyu kuyurikta rurakkuna, rikuchikkuna), kay tukuykunami rimachishkakuna karkanchik.
Kay aknaypimi, Gabriela Rivadeneira Mamallakta Tantanakuyta pushak karka, paymi imapak Anki kashkata riksichirka, Mamallakta ukupi llankakushkata riksichinkapami kan nirka, runakuna rimashkata uyankapami kan nirka.
Shinallatak, Ecuador llaktamanta takikkuna chayarka, llaktayukkuna chaypi kachun kuskatapash kurka, chikan chikan llaktakunamanta napayta kacharka, willaypi llankashkatami ashtawan rikuchirkakuna.
Ankika 40 yachaykunatami charin, kaykunaka: yuyaykuna, willaykuna, yachaykuna, kawsaypurakuna, wallpaykuna, takikuna, anki awrikunami kan.
JLVN/pv/jc-kichwa
