Kay “XXI watapi runakunapak llankana katikilla” chaytami Rigoberta Menchú rikuchinka, payka ñawpa Nobel de la Paz kamarita charik warmimi kan, kullka, 4 punha, raymi killa, 17:00 sayllamanta, José Mejía Lequerica ukupi rikuchinka, chaytaka Biodiversidad Minkashka, Ministerio de Relaciones Exteriores kamachikmi pushanka.
Kay Biodiversidad Minkashkata pushak, Carlos Viteri, kay Nobel de la Paz Kamari, Internacional de Alto Nivel Minkashkata Pushak, 2 punchamanta, 5 punchakama kay killapi chayamunka, paypak yanapayta rikuchinka nirka. Ecuador llaktapak awkikayta ukllanka, Chevron-Texaco punkara surkuk llakishkata riksinka.
Pay Rigobertha Menchú rimashkata uyachun llaktayukkunata, kamachiy killkakunata rimanakuypi kachun kayarka,
Kay Rigoberta Menchú warmita yanapasha shamuk kamachiy killkakkuna, kay Aguarico 4 kuskapi punkara kuchata, Chevron Antisuyu llaktapi llakichishkata rikunka, nishpa Carlos Viteri kamachiy killkak llaktakunaman willanka, imashina chay kucha kashkata riksinka, chay purinapika Pachamama Kamachik, Lorena Tapia ishkantin riksishpa purinka.
Kay riksishpa purinapika, Carlos Viteri Gualinga, Biodiversidad Minkashkata pushak, shinallatak Fabián Solano, Zobeida Gudiño, Óscar Ledesma, Elizabeth Reinoso, María Alexandra Maldonado, Arcadio Bustos, Hermán Moya, Octavio Villacreses, Raúl Tobar, Esthela Acero kamachiy killkakkuna riksishpa purinka.
Kay tantaripika, Rigoberta Menchú willak hillaykunapi Ecuador llaktapak Antisuyu allpakunapi, kay Chevron llakichishkata willanka; kipaman Sucumbíos, Orellana markakunapak runa llaktakunawan rimanakuyta charinka, chayka Lago Agrio ñawpa chariyuk wasipimi tantarinka.
Chay ñanllatak, kay Petroamazonas llankana kushkata riksinka, kamachikkunami kunanpi imashina punkarata surkukushkata riksichinka.
JLVN/pv/jc-kichwa
