Kay shamuk chillay 10 puncha, raymi killami Mamallakta Tantanakuypak Soberanía Alimentaria Minkarishkapi llankak apukkuna ishkay niki llankayta katishpa kay Orgánica de Tierras Rurales y Territorios Ancestrales rurarina kamachiy llaktayukkuna tapuyta kallarinkakuna. Apukkunaka 23 markakunaman chayashpami kay killkata riksichinkakuna, shinallatak ayllukunata, tantanakuykuna, llaktapak llankak tantarikunapash yuyayshkata mañashkata chaskinka.
Mamakamachiy, 57 niki killkapika llakta ayllukunata, tantakuykunatami kamachiy ruranapak ñawpaka tapuna kan nishpami rikuchin, paykunapak hayñita wakllichiy tiyanamantami kay tapuyka paktana kan, ninmi chaymantami kay Minkarishkapi llankak apukkunaka llaktakunaman chayashpa mutsushkata riksina kanchik, kayshinami pakta pakta alli kawsayta tarishun, ninmi.
Apukkunaka ishkay tantaripi rakishpami llankankakuna, kayshinami utkashpa paktayta tarishun, ninmi. Shuk tantaripika Miguel Carvajal, Marcia Arregui, Nelson Serrano, Rosa Elvira Muñoz, Ramiro Vela, Lourdes Tibán apukkunami kimirinka, paykunaka Tungurahua, Bolívar markamamanmi kay 11, 12 puncha raymi killa chayankakuna. Kayshun tantaripika Mauricio Proaño, Esthela Acero, Esther Ortiz, Liuba Cuesta, Ricardo Zambrano, César Umajinga, Pavel Chica apukkunami kanka, paykunaka 10, 11, 12 puncha raymi killami, Santa Elena, Los Ríos, Guayas markaman chayankakuna. Tukuy markakunapi tapuytaka 3 puncha sitwa killami puchukanka.
Kay rurarina kamachiywanka allpaman chayana, allpa pachamamata ama wakllichiyta, llaktayuk llankanapak kamay tiyachunmi mashkakun. Shinallatak allpa charinata, pushanata, pakta rakinata, shinallatak tarpunapak tiyachun, mikunata sumaychachunmi mashkakun; tarpuy mushukyachun; pachamama pakta kawsayta charichun; shinallatak allpayukpash kamayta shutiyashpa charichunmi mashkakun.
Kay kamachiyka tarpunapak allpa llaktakunapi ukllanapak, ashtawankarin tarpuna allpa mikuna hayñita paktachinapak, ayllukuna mikuna charinapak, llaktapash mikunata sumaychachunmi mashkakun. Kay kamachiyka tukuy ayllukuna paktachun, mamallaktapi kamachunmi kanka.
LM/pv
