Chay Ambato llaktapak Mamallakta Tantanakuy wasipi, Derechos Colectivos minkashka runakunawan rimanakuyta charirka, Tungurahua markamanta yuyak runakunwan tantarirka, paykunaman ima kamachiykuna Mamallakta Tantanakuypi killkarikushkata riksichirka.
Chay Hernán Castro, 200 yuyak runakunapak shutipi kay hatun atikuypi karka, kay yuyak runakuna ima yanapayta charinkapa yaykurichun shuk kamachiyta charina mutsurinmi nirka, shina chay arinishka hayñikuna wañushkashina ama sakirichun nirka, kallaripi chaskina yuyay runakunata, sinchitan yanapachun, paykuna mutsuyta charishkata ukllashpa yanapachun nirka.
Paymanta, Derechos Colectivos pushak, Zobeida Gudiño kamachiy killkak, kay Código del Ciclo de Vida kamchiyta killkankapa tawka kamaywasikunawan tantarirka, mana yuyak runakuntalla chaskinachu, ukllamatami ashtawankarin rikuna kan, Ecuador llakta kawsak runakunata wacharishkamanta, wañunkakamami ukllanata charin nirka.
Kamachiy killkak warmika, mana sapan kallaripi chaskina tantari runakuman chikan chikan kamachiykunata killkakunchikchu nirka, tukuykunaman shuk hatun kamachiytami killkakunchik nirka.
Kipaman, minkashkakuna 11 mushuk kamachiykuna killkarikushkata willarka kay kamachiykunamanta, Comunas, Sistema de Promoción y Protección de Derechos y el Código del Ciclo de Vida kamachiykunami yalli hatun rikurirka.
Kay Rita Matías, Santa Elena llaktamanta kamachiy killkak, kay Comunas kamachiyta kallaripi arininkapa churana nirka, kay kamachiywan llakikuna tiyashkata allichina nirka, tukuy Mamallaktamanta runakunami nanarikun nirka.
Kay llankayta tukuchishka kipa, chay “Sembrando Huellas Doradas” tushukkuna, Ambato llaktamanta tantarishka yuyak runakuna takikunata rikuchirka.
JLVN/pv/jc-kichwa
