Kay Cotopaxi, Imbabura, Carchi, Esmeraldas markakunapimi manarak Allpa kamachiyta arinishpa yachaykuna tiyanka, chaypimi runa tantarikunawan, yunka runakunawan, yana runakunawan tantarinka. Kay Comisión de Soberanía Alimentaria pushak kamachiy killkakkuna, raymipika chilla 17 puncha, kullka 18 puncha, chaska 19 puncha, wacha 20 puncha riksichinka.
Chilla puncha Cotopaxi markapi, 10:00 sayllata kallarinka, Salón de la Democracia del Consejo Nacional Electoral wasipi tantarinka. Chaymanka Miguel Carvajal minkashkata pushak; Marcia Arregui, Nelson Serrano, Rosa Elvira Muñoz, Ramiro Vela, Lourdes Tibán kamchiy killkakkuna chayanka.
Kay hunkakuna, ishkayniki tantari Mauricio Proaño, minkashkapak kipapushak; Esthela Acero, Esther Ortiz, Liuba Cuesta, Ricardo Zambrano, César Umaginga, Pavel Chica kamachiy killkakkuna Manabí markakunaman rinka, raymi killa, 17 puncha, 10:00 sayllamanta, Salón de la Ciudad del Municipio de Portoviejo wasipi tantarinka. Kay kmachiy killkakkunallatakmi Sucumbíos, Orellana llaktakunapi, shamuk kullka, chaska punchakuna riksichinka.
Kay mushuk allpa kamachiyka, achka allpa shukpaklla makipi ama sakirichunmi mashkan, runakunata, pachamamta allpa yanapachun rikunka. Watanta allita, unipak, llankashka kachun; ayllupak llankayta wiñachichun; yaku parkuyta charichun, yaku larkata charichun; uchilla suyupi yakuta charichun rikunka.
Pachamama kutintak wiñarichun llankayta rurashkaman, tawkasami kawsay tiyachun, pachamama llika tiyachun, charishka sapi tiyachun. Kay ruraykunaka pachamamapak hayñita sumaychashpami paktan; yurakuna wiñarichun, kutintak wiñarichun llankayta charichun rikunka; pachamamata mana wakllichishpalla makinchichun, pampapi llankankapa uchilla suyuta rurachun mashkanka.
Kay Soberanía Alimentaria minkashka, Miguel Carvajal kamachiy killkak, runakunata mana yanapak, pachamamata mana charirayak allpakunami kichushka kanka nirka, urku llaktapi 25 patsak tuputa charik, yunka llaktapi 75 patsak tuputa charik, antisuyupi 100 patsak tuputa charik, runakunami llakichishka kanka. Shinapash, Ministerio de Agricultura y Ganadería kamaywasi yuyaypika, paymi alli kapuk tiyachun, kapukyay tiyachun, awki mikuna tiyachun yanapanka.
Kay muchuk kamachiypak yuyayka ñawpa watakunamanta kay allpata charimushkamantami kamachiywan riksina kan, shinallatak sapsipak, ayllullaktapak, llaktapak, runallaktakunapak allpata kamachiywan riksishka kanka nirka.
Allpata paktapakta rakinkapa, allpaman yaykurinkapa shuk Fondo Nacional de Tierra kullkita charinka.
LM/pv/jc-kixchwa
