Kay María Alejandra Vicuña kamachiy killkak, Donación y Trasplante de Órganos, Tejidos y Células hatun kamachiy hawa runakunaman rikuchirka, chaymanta kawsashallatak aychawata kuna nirka, chay aychawakuna mutsushkata paktachik kakta rikunami kan. Kaypak óvulos, espermatozoides aychawakunata kuna hawa nikinka.
Kay mushuk kamachiymanta, kay Autoridad Sanitaria Nacional, kayta yachak kamachikmi Registro Único de Donantes de Óvulos y Espermatozoides hawa kipunata charin. Kayta yachakmi kamachiywan churashka wasikuna aychawakunata hapinkapa kamachikkunata mañata charin, shuktak runaman kuna óvulos, espermatozoides aychawakunata kipushpa charinata ushan.
Kay Registro Único de Donantes de Óvulos y Espermatozoides kipuk wasi, aychawata kuk 5 yalli wawata mana chrik warmimi kachun rikunata charin, shinallatak aychawata kukpash mana tiyana kanchu.
Runakuna paykunapak óvulos o espermatozoides aychawakunata, chayta hapik wasikunamanlla kunata charin, chayka Autoridad Sanitaria Nacional kamachikkunami rikunata charin.
Aychawata kuk kari kashpa, warmi kashpapash runayashkami kana kan, mana unkushka kana, aychawakunapash mana unkushkachu kana, ama kipaman hapik runata unkuchichun allita rikuna kan, chaytami hampik wasikunata rikunata charin, paykunami alli aychawa kak, mana alli kakta rikunata charin, yuyayta ama muspachichun rikunami kan.
Kay donación de óvulos y espermatozoides aychawakunaka runakunata hampishpa wiñachina kachun; kay Autoridad Sanitaria Nacional yachak kamachikuna arinishpa churashka kachun rikuna.
Kay aychawata chaskikkuna, aychawata kukkunata hampishpa katikuykunamanta, kawsayta rikuk, yuyayta allita rikushkamanta chanita kuna; kay Autoridad Sanitaria Nacional yachak kamachikkuna arinishpa kamachiywan churashka kana.
Ecuador llaktamanta waranka waranka kari, warmi runa kay gametos (wawa tukuk kikin aychawakuna), chay aychawakunallami wawa tukun, kay cáncer unkuyta hampinkapa quimioterapia o radioterapia rurashka runakunami shina hampishpa wawata charin, shinallatak ña mana wachak wamralla warmi, chakishka kari, lulun chakirishka warmi, shuktak unkuykunata charikkunapsh kan.
RSA/pv/jc-kichwa
