Kunan nikikuman kimirichun mushuk kamachiyta charichun amutsurin, imashinami Mamakamachiy rimashkata katishpa Mamallakta Tantanakuypak Participación Ciudadana pushakun, payka Defensoría del Pueblo kamachiyta charinkapami llankakun.
Kay kamachiyka watamanta 1996 watamanta charimushka llaktayukkunapak hayñikunata mirachin, ukllan, wakaychin, kay kamachiy 1998 watapi arinirishka Mamakamachiyman mana watarishkachu karka. Chaymantami minkashkakuna tukuy runakuna rimashkata uyankapa tawka kuskakunapi rimanakuyta kallarirka, kay rimankuykunaka, kay kamachiyta ishkaykutin atinakuyta charinkapami yanaparka, shina: yalli hunkapika Defensor del Pueblo, Ramiro Ribadeneira hatun kamachikta chaskirka, shamuk 8 punchapi shuktak awllikkuna rikurinkakuna, kay kamachiyta rikunata charikkunapash rikurimunkakunami.
Kay tantarita pushak, Fabián Solano, kay mushuk kamachiy karwa killapi Mamallakta Tantanakuy atinakuyta charichun, ña killkashka kachun shuyanchik, chaypi punchanta allichishpa katikunchik nirka. Kaykunata paktachinkapa, 24 puncha, raymi killapi kamachiy killkakkuna tantarinka, chaypimi kallarik 30 nikikunata allichinka.
Tukuymanta rimashpa, kallarik nikikunaka imashina kamachiy llankana hawami rimanka; imashina paktana hawa, chikan kashka kamayta charina, awllinamanta rimanka; imashina hayñikunata ukllana hawa; mañankapa katina hawa; llakita harkana hawa; rikuna hawa, katikuyta chapay hawa rimanka; llankana kuskakunata yanapana, shuktak mutsuykunatapash rikunka.
JC-kichwa
JC
