Mamallaktapi hatun rimanakuyta wallpakuy ukupi, Grupo Parlamentario Tránsito Amaguaña, María Soledad Vela Cheroni kamachiy killkak, chay Ministerio de Cultura ishkantin tukushpa, “Construyendo Democracia Junto a la Ciudadanía” shutiwan hatun tantarita pushanka.
Kay hatun rimanakuyka chay Museo Bahía de Caráquez llaktapimi rurarinka, chilla, 24 ṕuncha, raymi killapi kanka, 19:30 sayllamanta kallarinka. Tukuylla yaykurinallami kan, chaymantami, kamachiy killkak kay hatun rimanakuyman chayachun tukuykuna shamuchun kayarka.
Kay María Soledad Vela kamachiy killkak, manarak rimanakuyta charishpa 1979 watamanta llakta ushay tiyashka shuyupi rikuchinka; chaypillatakmi kay Redistribución de la Riqueza kamachiyta risichinka.
Kay Grupo Parlamentario Tránsito Amaguaña tantari pushak, kay llaktayukkuna tantarika shuk hatun rimanakuymi kan nirka, alli yuyyakunata yachanakuymi kanka, kay yachayka llaktayukkunawan rimanakuypimi kanka nirka. Shina kay Ecuador llaktapi alli llakta ushayman, paktakayman, tiyashkata pakta rakiman, yaykuchiman pushachun nishpa riksichirka.
JLVN/jc-kichwa
