Kay Consejo de Participación Ciudadana y Control Social kamachikkuna kaya chilla puncha, Mamallakta Tantaripak Comisión de Fiscalización minkashkaman chayamunka, hatun tantarina ukupi 15:00 sayllamanta kallarinka, antisuyu manyaman ukupimi tantarinka.
Minakashkata pushak, María José Carrión kayashka, rimayta charikkuna kay Consejo de Participación Ciudadana imatalla llankashkata willachun mañashka karka, chayka pawkar killa, 2010 watamanta llankashkata willanata charirka.
Mamallaktapak Mamakamachiy rimashkapi shina, kay Consejo tantaripak llankaykuna, pushaykuna llaktayukkuna chaypi kanata harkashka llaki rikurin, chaytami maypi pantaykuna, shuwaykuna tiyashkata taripana rikurin. Mayhankuna ima huchakunata charishkata willachun mañanka, kay llakikuna rikurikpika imashina taripanata rikuchinka, kamachiywan wanachinkapa katinatapash rikuchinka.
Shinallatak, kay kamaywasika katikuyta rikuna, llankaykuna rirpuyshina achiklla kachun rikunatami charin, Mamallaktapi kamachikkuna llankachun imashina kakta rikushpa akllanatami charin. Shuktak llankaytaka maypi shuwashkata rikuchik runakunata ukllana llankaytami charin, kay llankaytaka Mamakamachiypak 208 nikipimi rikuchin.
JC-kichwa
