Kay Derechos de los Trabajadores minkashkapi, Federación Nacional de Asociaciones de Judiciales del Ecuador –FENAJE tantarita pushak- Eliseo García, Fidel Chiriboga kaamchiywan yanapak, Fondo de Cesantía Privado del Personal de la Función Judicial (FONCEJU-FCPC) tantaripak kullkita Fernando Gándara kullkita apak mana alli tukuchikushka hawa llakirirkakuna.
Eliseo García, kishpiychikkunata pushak, Consejo de Administración ruraykunapi mana llakta ushay tiyashkata rikuchirka, ashallakuna “rukawan” rikuchishpa churashkami kan, llankakkuna kushka kullkita, pay churashka kullkitapash imashina pushashkata mana riksinchu, patsak hunukuna tiyashkatami yuyachin nirka.
Kay kullki hawa hatun tantarikunapi mana achiklla llankakushkata mana willashkachu, kay llankaykuna hawa Superintendencia de Bancos willashkakunatapash mana willashkachu.
García kamachikka, kay kullkikunwan mana kuyurik nipakunata rantishkata willarkakuna, kayta rantina kullkika mana karkachu “Oporte” wasichikta rantinkapak kullkita churashkata rikuchirka, chayka Guayaquil llaktapimi sakirin, kayta rantinkapa 9 hunu dólar kullkita churashka nirka, Kiti tantari arinishkata mana charinchu nirka.
Ña tukuchinkapa, achiklla rikurichun, imashina kullkita tukuchishkata riksinkapa shuktak kamaymi mutsurin, chaypak kayta minkashkakuna mutsurishka tupukunata churachun nirka, ñawpa kullki apak uchilla kamachiykunata pakishpa kullkita panta tukuchishkata rikushpa kay huchata pay aparichun nirka.
Kutin, Fidel Chiriboga kamachik, kay Fondo de Cesantía de los Judiciales kullkita mana alli apashkata rikushpa, ashayashkata rikushpa, kay llaki hawa yuyayta hapichun kayarka, kamachiywan, uchilla kamchiykunawan allichichun mañarka. Minkashkapak makipi kakpi, paykunallatak allichichun mañarka.
Uchilla tantarikunapak pushakkuna, kay wanachikunata ñami kayta harkakkunaman, Mamallakta Pushak Wasiman riksichishkanchik nirka.
Minkashkakunami kay wanayta katinka, kay huchata yachak kamaywasikuna imatalla riksishkata willachun mañanka.
RSA/pv/jc-kichwa
