Kay Comisión de Fiscalización y Control Político, chay Consejo de Participación Ciudadana llankashkata rikuy kallarirka, kay kamaywasipi llankak kamachikkuna minkashkaman chayamurka, pawkar killa, 2010 watamanta, kunan punchakama llankashkata rikuchinkapa shamurkakuna.
Kamachiy killkakkuna sapan yaykurishka kamachikkuna llankashka willayta mana rikuchishmantami ashata llakirirkakuna, kamaywasipak shutipi shuklla killkashka kamunta rikuchirka, chaymanta Montgómery Sánchez kamachik killkak sapan yaykurishka rimayta charik llankashkata rikuchichun mañarka, chay willaymi llakikuna tiyashkata taripankapa yanapanka nirka.
Kay minkashkata pushak María José Carrión kamachiy killkak, tukuy kamaywasikuna imshina llankashta riksinkapami kan nirka, maypi shuwaykuna tiyashkata anchuchinkapa, maypimi pankaykuna tiyakta riksinkapami kan nirka. Kamay wasikunapi alli llankaykuna rikurichu, imapak minkashka llankaykunata paktachikun, Mamakamachiy rikuchishkata paktachikukta rikuna kan nirka, imapilla allichirina illan chaypi yanapana kakta rikuchinka nishpa rimarka.
Kay Consejo de Participación Ciudadana y Control Social (CPCCS) kamaywasipi rimayta charikkuna, mutsurishka willaykunata chayachina sakirirka, Luis Pachala, Mónica Banegas kamachikkunakarin, chay pachapillatakmi rikuchirka. Kutin, Fernando Cedeño kmacvhiy killkak, minkashkata pushak, chay pachallatak rikuchirka, chay willaykunata mirachina nirka, kay Fiscalía, Contraloría General del Estado kamaywasikuna kimirishka kashpami taripaykunata rurarka.
Kay CPCCS tantarita pushak Participación Ciudadana hatun kamachiyta Mamallakta Tantanakuy killkachun nirka, kay kamachiywan Consejo allita llankanka.
Willaymanta, Cedeño minkashkata pushak ushaykunataka kamachiypak patakunata sumaychashpami pushashka kan nirka, shinami runakuna chaypikachun rikuna hayñikunata paktachinkapa rurashka kan nirka. Runakunata rikunataka 393 rikuyta charishkata, ayllullaktakunapi 620 ukllayta charishkata, 424 kari warmi mawkayachikkuna, 9 rikuykuna paktarka. Kay tukuchi rimayka ashlla yachak kamaywasikuna tiyashkamanta ashallami kan.
Runakunata rikunkapa llaktayukkunata wallpankapa 104 wallpana yachana wasikunata rurashka kan, 79 tukuylla 214 llaktayukkuna allichirinata rurashka, shinallatak kikinllatak karupi kamachikkunawan 951 riksichinakunata rurashka kan.
Kaypi kak tukuy kamachiy killkakkuna CPCCS kamaywasipi llankak rimayta charikkunami, sapankuna ashtawan riksichishpa willayta chayachina kan nirka. Rimayta charikkuna chikan chikan tantarikunamanta shamushkami kan nirka, sapan kikinkunatami akllashka kan, huchakunata chikan chikanmi arinina kan, shinami Marisol Peñafiel kamachiy killkak rimarka.
LM/pv/jc-kichwa
