Mamakamachiyta mushukyachina llankayta Mamallakta Tantanakuy, kay llankayta minkashka pushakushkaman chay Guayas markapak, Yaguachi llaktapi kawsak llaktayukkuna, imashina mushukyarikushkata riksinkapa shamurka.
Kay tantaritaka Marcela Aguiñaga kamachiy killkak pusharka, payka ishkayniki Mamallakta Tantanakuy Pushakmi kan, kay mushukyayta pushak tantariman yaykurishkami kan, Mamakamachiy mushukyarikushkata, imashina Mamallaktaman yanapakrikta riksichirka.
Paymanta, María Alejandra Vicuña kamachiy killkak, manarak kay rimanakuykuna tiyakpi Mamakamachiywan katimushkata, kay kamachiy ukupi kakta riksichirka.
Kay riksichikuy pachapi, Mamakamachiy mushukyarikuy hawa ima panta yuyaykuna tiyashkata, shamuk pachapi ima allikuna tiyanata riksichirka, chay yuyaykunawan paypak yuyaywan alli, mana alli kakta rikurka. Kay mushukyay llankay hawa, panta willaykuna hatarishkata mana uyana nirka.
Kay Daniel Avecilla, Yaguachi kitipak Pushak kay rimanakuypi karka, payka “Ecuador llaktapi kawsak runakuna Mamakamachiy mushukyana hawa rimanakuypi kana may alli kan, sapimanta willayta charina kushita charinchik, panta willaykunata churachun mana sakina nirka”
Yalli llaki nikikunamanta rimashpa, kutintak akllaymi sinchi llaki kan, Mamallakta Tantanakuyta kipapushakshina nirka, “Mamakamachiy mushukyayka awllikuk kamachik, llankakushpa chaypillatak katichun mana rimanchu, chay kamachik kutintak akllariman yaykurichunmi riman, akllakkunami llankashpa katichun, mana kashpaka chaypilla sakirichun rikunka”
Kay llankaytaka Ecuador llaktapak tukuy kuchukunamanmi pushana kan, shamuk punchakuna kay llankayta minkashkakuna Mamallakta purishpa katinka.
JC-kichwa
