Mamallakta Tantanakuy chaska puncha 30 tantarikunata chaskinka, paykunaka sapsikuna, ayllullaktakuna, llaktakuna, runallaktakuna, yunkarunakuna, yanarunakuna shamunka. Kachashkakuna Tierras Rurales y Territorios Ancestrales kamachiy tukuri rimanakuypimi kanka.
Sapsikuna, ayllullaktakuna, llaktakuna, runallaktakuna, yunkarunakuna, yanarunakuna kay Comisión de Soberanía Alimentaria tantarikunawan rimanakuyka, 10:00 sayllata kallarinka, chayka José Mejía Lequerica ukupimi kanka. Kay minkashka tantarimi rimashkakunata, mañashkakunata llikanman kachachun minkashka kan, kay yuyaykunawan ishkay niki atinakuyman allichirishpa chayanka.
Kay hatun tantariwan, Comisión 7 paypak manarak kamachiyta arinishpa ishkayniki llankayta tukuchinka, 23 markakunaman chayanaman kallaripi yuyarirkakuna. Tukuy tantarikunapi rimashka hapinka, chay willayta killkankapa shuk killatami charinka, chayta kimsakutinmi atinakunka, chayka Mamallaktapi rimanakuymi kanka.
Tukuchinkapa, manarak kamachiyta arinishpa tukuy rimaykunata, kay llankayta minkashka shuk killkata ishkayniki atinakuyman kachankapa allichinka. Kay tantarita pushak, Miguel Carvajal, kuski killa chawpikaman ñami allichishka kanka nirka.
Mamallakta tukuyta yanapak kamachiyta charichun paktachinami kanchik Carvajal kamachiy killkak rimarka, pakllapi llankayta, murukun pukuchiyta, pachamamata mana wakllichishpalla llankayta yanapachun nirka, tantarishka runakunaman pakta pakta allpata rakinaman yanapachun nirka, mana alli allpata charik runakunaman alli allpata kuchun nirka.
Mushuk kamachiyka pakllapi tiyak allpakunata alli mawkayachichun, allpaman yaykuchichun yanapachun rimarka, chay allpakuna runakunata, pachamamata yanapachun nirka. Shinallatak kay kamachiy yuyayka charishka allpata, kikin allpata nikina, kamana yuyayta charin nirka, allpata pakta pakta rakichinka nirka. Kay llaktaykunaka, kapukyayta kamana, Mamallaktapi awki mikuna tiyachun yanapanata charin.
Shinallatak allpata, purina allpata riksinka, kamachiywan shutichinka, chay allpakunaka, sapipak, ayllullaktapak, llaktapak, runallaktapak, yunkarunakunapak, yanarunakunaopak kanka.
Kay kamachiyka Fondo Nacional de Tierra kullkita wiñachinka, kamachiywan riksishka tukuy tantarikuna allpata charichun pakta pakta rakinka, tukuykuna allpaman yaykurichun yanapanka.
LM/pv/jc-kichwa
