Tawka yuyaykunata yaykuchina mutsurikpimi kay Comisión de Justicia y Estructura del Estado pushak, Mauro Andino kamachiy killkakta hawayachirka, runakunawan, llaktakunawan rimanakushpa Código Orgánico Integral Penal (Coip) kamachiyta sinchiyachina nirka. Kay kamachiyka Mamallakta Tantanakuypak 338 yupay tantaripimi rimarirka.
Shinami, kay Comisión de Justicia y Estructura del Estado minkashka, Mamallakta Tantanakuymanta shuktak tantarikunawan rimanakuyta paskan, Mario Andino yuyaypika, “mana llulla, paskashka kanka ”. Chay rimankuyka mana kunanmanta kallarinka, chishiman ña tukurinkachu, uchilla katukkunawan, makirurakkunawan, shuktak tantarikunawanpash rimanakunami kanka. Kay kamachiy allita llankachun ama harkakuna tiyachun allichinami kanka.
Kay llankayta pushakkuna, kamachiypak yuyayka uchilla katukkunayta, rantikkunata mana katikachana yuyaytami charin nishpa, llaktakunapi achiklla willanami kan, hatun shuwashpa katukkunatami llakichinka nirka, hatun mintalakuna kikin amawta yuyayta llakichikkuna wanachinami kan nirka.
Kay Comisión de Justicia, ishkayniki atinakuyta charinkapa, tantarikuna, ayllullaktakuna kachashka pushakkunapak, Mamallaktapak kamachikkunapak, shuktakkunapak yuyaykunata chaskirka, Mamallakta Pushak rikushpa kachashkatapash rikurka, chayka irpata shuwashkamanta, kikin hayñita llakichikta, mashna shuwashka kipita hapishka hawa wanachinka.
Kay nikita rimanunami kamachiy killkakunata rikchachishka. Andino kamachik yuyaypika wakin kamachiy killkak wanachinata wichiyachina riman. Irpata mana charik kipikunami hapishka kanka, katukkunatapash wanachishka kanka, shinami mushuk kamachiy riman. Llankay kullki, 142 kullkimanta, 424 kama shuwashpa katukkunami, 55 llankay kullkimanta, 85 kullkikama wanachishka kanka
Shinallatak llankay kullki 124 chanimanta, 847chanikama kakpika, llankay kullki 86 chanimanta, 175 chanikama wanachina; shinallatak 847 chani wichiman kakpika, llankay kullki 176 chanimanta, 295 chanikama wanachina.
Chay nikipillatakmi unanchashpa irpata churashpa katukkunataka mana wanchina riman, chay irpakuna mama irpata pantachikchu kanka. Andino kamachiy killkak kay mushuyarikuk kamachiy 19 nikipi, hatun huchakunata, kamachiyta takakta wanachina hawa rimanka.
Kay kamachiy mushukyanamanta rimashpa, Mamallakta Pushak, Ecuador llakta ista kamachiykunawan watarishkami kanka nishpa riksichin. Allpapachapi mintalaykunawan killkarishpa arinishkami kanka.
LM/pv/jc-kichwa
