Kay Participación Ciudadana minkashka, Defensoría del Pueblo hatun kamachiyta allishpa katin, chaypak, 15 chilla puncha, 10:00 sayllapi, Ernesto Pazmiño, hatun kamachikta chaskinka, paymi imashina kay kamachiy killkarikushkata riksichinka.
Kay Pazmiño kamachik rimashka kipa, shinallatak Patricio Benalcázar kamachik, Derechos Humanos de la Defensoría del Pueblo llankayta pushak kamachikmi rikurinka, paypash kay kamachiy hawallatakmi rimanka. Fabián Solano minkashkata pushak, ishkayniki rimanakuypak kay kamachiy, karwa killapak ña kanka nirka. Kay kamachiyta ashtawan allichishpa katinkapa shamuk punchakuna shuktak kamachikkunata kayashpa katinka, shinami kamachiy killkak rimarka.
Kay killkarikuk kamachiyka, 996 watamanta shamuk paya kamachiypak rantimi tiyarinka, shinapash kay ishkay mushuk Mamakamachiywanmi takarin, ashtawankarin 2008 watapi arinishka Mamakmachiywan takarin, chaymantami minkashkapak utka allichina, sinchi llankay tukun, shinami Solano rimarka. Kay allichina kamachiyta rikunkapa, sarun hunkapi Ramiro Ribadeneira kamachikta, chay Control del Poder de Mercado, Pedro Páez kamachikta, shuktak kamachikkunata, runakunata kayarka.
Kay kamachiyka, Defensoría del Pueblo kamaywasipak llankayta, wasita allichin, chaywan Mamakamachiypi tiyak, ista kamachiykunapi tiyak hayñikunata riksichinka, ukllanka.
Kay Defensoría del Pueblo shuktak llankana yuyaykunata, imashina pay kanata churan; shinallatak kallarikunata; awkikunata; chikan kana, awllimanta churan; hayñikuna ukllanata churan; mañashkakunata kutichina; wanayta kunkarina; ukllayman katina; rikuykuna, katikuykunata rikuna; llankana kuskakunapi yanapana, shuktakkunatapash churan.
LM/pv/jc-kichwa
