Kay Rosa Elvira Muñoz kmachiy, Soberanía Alimentaria minkashkaman yaykurishka, Tierras y Territorios Ancestrales kamachiy, ñawpamanta charimushka allpakunata, tarpunamanta riksin, achka riksichishka markakunapi shuklla yuyarinakuy tiyarka, sapsi hayñi ukupi kullkita mañashpa tarpunaman, wasichinkapa kullkita mañana kachun tukuchun nirka.
Llakikunata allichinka, runallaktakunapak, ayllullaktakunapak makipi kachun mañarka, imashinami kunan katikun shinallatak sakirichun nirka, allpakunata rakinatapash tantaripak makipi sakichun, achka markakunapimi shukpaklla makipi allpa kan nirka.
Imashinami Bolívar markapi tawka allpayukkuna shukman ashalla watakunapak mañachishpa charirka, paykuna achay allpakuna runakunata yanapakun nishpashina charin, shina mana kamachiykunapi rimashkata paktachikunchu, allpayuk mana tarpunchu, pakllapi kawsak runakunami tarpun.
May mutsurik rimay kakpi, ayllupi tarpunakunamanta riksirka, awki mikunakuna mirarichun allpa kullki tiyachun riksirkakuna.
Kay Soberanía Alimentaria minkashkata kipa pushak, Mauricio Proaño kamachiy killkak, ña rikushka punchakunapi Mamallakta Tantakuyman kay willaykunata chayachinka, chaypimi Mamallakta hatun rimanakuy tukunka, chayka 14 tantarikunawan rurarinka, chaypimi ima rimaykunapi shuklla yuyay sakirishkata riksinka.
Manarak kamachiyta arinishpa tapuykunapika 428 tantarikunami chaypi karka, paykunamanta 300 tapuykunata tikrachirka, shuktakkunata allimi kan, sapsi hayñita llakichik kamachikmi kan nirka.
Tukuchinkapa, Mamallaktamanta shamukkunawan hatun tantarita rurashka kipami ishkaykutin atirinkapa willaykunata allichinka, chayka Consejo de la Administración Legislativa tantaripak makipimi kan, paykunami Tierras Rurales y Territorios Ancestrales ima puncha tantarinata rikunka.
RSA/pv/jc-kichwa
