Kay Esthela Acero kamachiy killkak, Soberanía Alimentaria tantaripi rimayta charik, Tierras Rurales y Territorios Ancestrales kamachiypi nikunata mirachina hawa, kay kamachiyta mikashka ukupi yuyarikunchik, pichka watata hatun allpakunata llankachun mañachishka kakpi, Mamallaktaman katuchun, kipaman pay, runakuman katuchun nikita churana.
Kay yuyaykunaka llaktakunapi runakunawan, tantarikunawan, sapsikunawan, runallaktakunawan, yunkakllaktakunaan, yanallaktakunawan rimashkamanta chayachishkami kan, kay yuyaykunata 23 markakunapi tawka tantarikuna churashka. Allpata 20, 25 watakunata mañashpa tarpuk runakunamantami shamun, shinami Acero kamachiy killkak rimarka.
Antisuyu runakunapash, tawakakunami kay yuyayta churarkakuna, Mamallakta sapsi allpakunapi yanacha wasita, hampirina wasita, pukllana pampata, shuktak llankaykunata rurachun shuk ñanta mashkana nirka. Kunanka Mamakamachiymi 57 nikiwan kay llankaykunata rurachun harkan, chaypak shuk ñanta mashkana nirka.
Shinallatak, Antisuyupi tarpuna allpakunata 100 tupukunata charichun nirka, chaykama runakunata, pachamamata yanapak kachun, chaypak Mamallakta yanapanata charin nirka, chaymi mana kichushka kanka. Tantaripi rimashka kan, shinami kamachiy killkak rimarka. Punasuyupika, 25 patsak tupu, Kuntinsuyupika 75 tupu kachun, kaytami kamachiy rikuchin..
Manarak kamachiy arinirikpi rimanakuy paskarishkamanta, runakuna shamushkamanta, tantarita pushakkuna shamushkamanta kushilla kani, chayman 6 waranka, 500 runakuna shamurka. Paykuna shamushpa sumak yuyaykunata churarka; chay tantarikunaka Conaie tantariman kimirishkami kankuna.
Llaktapi, tantarikunata rurakpi, 7 minkashka, kay allpa kamachiyta riksichirka, sapsi hayñipak kimsa yuyayta tapurka. Runakuna chaypi kana, llakikuna tiyakpi imashina allichina; allpata kamachiywan riksina; ñawpamanta runallaktakuna charimushka allpata, llankamushka allpata kamachiywan riksina nirka. Achka runakunami kay kamachiy alli ñawiwan rikun, Acero rimarka.
Hatun allpakuna hawa, chayrak llakikuna tiyan nirka, kay llakita Mamakamchiymi ña allichishka, mushuk kamachiypash achikllami rikuchin, imashina allpa kakpi rikuna kan, imashina suyukunapi kakpi rikuna kan nishpa tukuchirka.
LM/mg/jc-kichwa
