Kunan puncha, chay Francisco de Orellana llaktapi, tisiku runakunaman tukuylla llaktay hawa mushuk yachayta rurarka, chaytaka Richard Farfán Aponte kamachiy killkakmi pusharka, payka Loja markamanta kamachiy pushakmi kan.
Kay llankayka, Museo Arqueológico y Centro Cultura de Orellana kuskapimi pusharirka, achka tisiku runakuna, tantarikuna, llaktayukkunami chayman chayarka, shinallatak Alberto Zambrano kamachiy killkak, Mónica Guevara marka pushak, Policía Nacional de la Zona 22 kamachik, Fuerzas Armadas kamachik, Agencia Nacional de Tránsito kamachik, Comité Paralímpico Ecuatoriano kamachik chayarkakuna.
Shinallatak Ministerios de Trabajo, Inclusión Económica y Social (Mies), Salud, del Instituto de Fomento al Talento Humano shuktak kamachikunapash chayarkakunami, paykuna imashina tisiku runakuna llankakushkata rikuchirka, shinallatak imashina paykunata yaykuchishkata, imashina kikin pankata, karashka kullkita chayachikun, paykunaman wiñariyna llankayta kuna hawa riksichirka.
Arinishka
Kay Richard Farfán kamachiy killkak “Mamallakta Tantanakuyka kay Discapacidades kamachiyta paktachinkapa llankanchik, kay llakita charik runakunapak mutsuykunata hamutankapami kanchik, chaywanmi alli llankaykunata churashun nirka”.
Kunanka runata yanapana, yaykuchina, paktapakta llankayta kuna yuyatami charinchik, manarak kay yuyakuna tiyakpika sinchi kawsaytami kay runakunaka charirka, shitak yachaymi karka, alli yuyay illakmi karka, mana killkanata yacharkakunachu. Kunan, rikukpika achkata llankak runakunami kan, llankayman yaykuchichun kamachiywan rikurayashunmi nirka
Yayykuchi
Tawkamanta, Mayra Sánchez, Mies kamaywasita pushak, sapan runakuna paykuna yachashkata, ayllupi yachashkata, tantaripi yachashkata wiñachichun achkatami llankakunchik nirka, Orellana llaktamanta 331 runakunami kay Bono Joaquín Gallegos Lara kullkita hapin, yalli tisikuta charik, mana hampirinata ushak, ancha unkuyta charik runakunami kan, manarak14 watata charishpami ña VIH – Sida unkuyta charinkuna, chay unkuyka 2014 watapak raymi killamanta, 80 waranka kullkimi mutsurin.
Pukllaypi
Kay Comité Paralímpico Ecuatoriano pushak, tisku runakuna básquet, atletismo, tenis de mesa, pesas, ajedrez, fútbol 5, natación pukllaytakunata pukllakukta rikunaka wiñaykawsaymi kan nirka, shina allikunata rikushpa kay Deporte kamachiyta allichinami rikurin, kipaman pukllana pampakunaman richun, hatun arawa kuskakunaman richun, mana harkarichun yanapanka, kay kamachiyka ista pukllaykunaman richun yanapanka.
MG/pv/jc-kichwa
