Mamallakta Tantanakuy shuk yuyarita arinirka, llaktayukkuna kasilla, sumaklla paykunapak yuyaywan Mamakamachiypi, kamachiypi hapirishpa kaparichun arinirka, Mamallakta ukllashka kishpiyrishka rimachun nirka.
Kay killka Fausto Cayambe kamachiy killkak churashkami karka, 84 kamachiy killkakkuna yanaparka. Kay Cayambe kamachiy killkak, Mamallakta kay punchakuna llakikunata charishkata Mamallaktapak kallarik awlli atinakuchun rimarka, kay kaparikunaka hatun kamachikkunata yanapashpa, takashpa kaparishkakuna riman.
Kay rimanakuypi, Mamallakta Tantankuy “maymantapash shamuk takaykunata harkan, kasiklla nunawan waktarin, Ecuador llaktapi kawsak runakunapak llakta ushaywan takarin”, mana sumaklla llankachun sakin, Mamakamachiyta pakin nishpa supaychan.
Rimanakuymi llakikunamanta, makanakuymanta surkun nishpa yanaparka, paktakay, paktaraki, yanapak Ecuador llaktwan ushashun nirkakuna. Chaypak, tantarikuna, llaktay tantarikunata hatun rimanakuyman kayan, shina tukuypak paktapakta tiyachun kamanka, Sumak Kawsay ukupi paktaraki kachun.
Mamallakta Tantanakuy llakta ushay nunata, llakta ushaywan tukuy runakuna achiklla yuyaykuna churashpa Mamallakta Tantanakuy kamachiykunata killkachun, kutintak arinirka.
Kay atinakuy pacha, hatun kamachikta yanapak kamachiy killakkuna Mamakmachiyka kishpiyrishka rimachun kun nirka, chayllatakmi llakta ushay rikuy kan. Shinapash takaytami mana sakina nirka, mana sumaklla, kasilla llankachun sakin nirka.
Kutin, takarikkunamanta kay yuyarita mana yanaparkachu, llaktata mana sumaklla, kasilla llankachun sakikpak shutipi hapinachu nirkakuna.
LM/jc-kichwa
