Kay Diálogo por la Equidad y Justicia Social llankaywan katinarayku, Betty Jerez kamachiy killkak, Derechos Colectivos Comunitarios y la Interculturalidad tantariman yaykurishka kan, chay Chiquicha, García Moreno, El Rosario shulkakunapi kawsak runakunawan rimanakuykunata charirka, chayka Pelileo kitipi, Tungurahua markapimi sakirin, chay runakunaman Mamallakta Tantakuypi arinishka kamachiykuna hawa riksichirka.
Kay warmi kamachiy killkak, llaktayukkunawan rimankuyka kay markapi ima llakikuna, ima llankaykuna tiyashkata rikunkapami kan, kipaman achka runakuna ashtawan shamuchun kan, chaypi paykuna rimashkata uyana, chaskina. Shina kipaman paktapakta kawsana yuyayta charik runakuna tukuchun.
Kay Betty Jeréz, kallari yachayka 14 puncha, sitwa killapi karka, chayka Nitón tukuykunapak wasipi pusharirka, El Rosario shulka ukupimi sakirin, kay rimankuymanka 120 runakuna chayarka.
Tukuyka 18 rimanakuymi pusharirka, shinami Tungurahua markapi Equidad y Justicia Social shutiwan pusharirka, runa ayllullaktakuna, yuyak runakuna, pukuchik tantarikuna, yallita chayarka, markapi pushakkuna chaypi karka. Kay yachaykunaka 14 puncha, karwa killapi, Cotaló llaktap tukurirka nishpa rimayta tukuchirka.
Shulkakunapi rimanakuykuna pusharishka kipa, chaypi kak runakunapak yuyaykunata, mañaykunata, mutsuykunata chaskina kanka; chay yuyaykunawanmi tukuyllapak llaktay, nikinakuna, kamachiykuna tukunka.
Tukuchinkapa, kay rimanakuymanta rikurishka hatun yuyakunataka, tantarikunapi kak runakunantinmi rikuchina nirka.
GC/jc-kichwa
