Kay wanra, 21 puncha, sitwa killapi, Diálogo interparlamentario México-Ecuador llaktakuna tantarina kallarirka: chayka “Los retos de la Movilidad Humana en el siglo XXI” shutitami charin, Cámara de Diputados de la República de México wasipimi pusharirka, chaypimi Ecuador llaktapak Grupo Parlamentario por los Derechos de las Personas en Movilidad Humana riksichirka.
Kay Ecuador llaktapak Mamallakta Tantanakuy kipapushak, Rosana Alvarado kamachiy killkak kay kamaywasipak shutipi rimarka, México llaktatami purik runakuna yallita allpapachamanta yallin, chaymantami runakunapak hayñita yalli rikunata charin nirka.
“Kay Ecuador llaktami purik runakunapak hayñita riksinkapa hatun tatkikunata kushka nishpa rimarka, 2008 watamanta Mamakamachiy arinirishka pachamantami shina llankashka, mayhan purik runapash pay kamachiyta pakishpa purik runa kakta mana riksishka kankakunachu”, shinami Alvarado kipapushak rimarka.
Paymanta, Linda Machuca, kay Grupo Parlamentario tantarita pushak, “Latin Apya-yalapak wawki llaktakunashina, ishkantin llaktakuna tantarinata ushanchik, kay patsak watapi Mishu Apya-yala llaktakuna, suyupi tantarikuna ashtawan sinchiyakunrimarka”.
Pay rimashpa, kay tantarika Adriana González Carrillo kamachik mana yanapakpika mana usharinmanchu karka, payka Comisión Bicameral de Seguridad Nacional de México pusahkmi kan, shinallatak Amalia García Medina kamachik, Migración de la Cámara de Diputados de México pushakmi kan, pay mana yanapakpika mana usharinmanchu karka.
Shinallatak, Martín Alonso Heredia Lizárraga, kay Mesa Directiva de la Cámara de Diputados de México kipapushak, yuyaykunata paktachinkapa kamachiy killkakpura tantarinata sinchiyachinami mutsurin, istallaktakunapi rikurishkata allichina nirka, kunan kawsaykunapi tukuypak alli llankaykuna tukuchun kamaywasipura tantarishpa llankanami alli kan nirka.
Kay XXI watapi ushayka, kamachiy killkakpura tantarishpa llankanatami rikuchin, kamaywasipura llankaykunata sinchiyachichunpash mañan, ashtawankarin ima llakikuna tiyakta rikuchun, purik runakunapak llakikunata rikuchunmi mañan, shinallatak México llaktawan, Ecuador llaktawan alli yachaykuna tiyashkata riksinami alli nirka.
Kaya puncha llankayka Cámara de Senadores de México kuskapimi kanka rimarka. Shinallatak chay Iztapalapa llaktapi purik runakuna kawsana kuskata riksinkpa chayarkakuna.
JC-kichwa
