Kay Desarrollo Económico minkashka ukupi, Electricidad hatun kamachik, Esteban Albornoz, kay Azuay llaktapak, Paúl Carrasco marka kamachik rikuchishka kan, chay Centro Sur y Elecaustro llankaywasita katuyka mana kamachiypak, Mamakamachiypak ukupichu kan, charishkakunata kamana mana kacharishkachu kan, chaymanta mana shukpalla kanchu.
Mamakamachiy, Empresas Públicas hatun kamachiy, Servicio Público de Energía Eléctrica hatun kamachiypash imashina charishkakunata katunatami rikuchin, Mamallakta kullkita kuk llankaykunata mana kamana, nikina, chapana, mañaymashkanatami achiklla rikuchin, shinamim yuyachirka.
Kay Carrasco marka kamachik Mamallaktapak kullkita kamakushkata mana hamutanchu, kay empresas eléctricas llankayta shukpaklla makipi churanata munashpaka Mamakamchiyta, Eléctrica kamachiytami llakichikun, kikinllatak karupi kamachikman kana llankaytami llakichin.
Chay Azuay llaktapi tiyak, Mamallakta Tantanakuypak wasi ukumantami Antonio Borrero, Elecaustro pushak rimashkata kamachiy killkakuna uyarka, chaypimi Ministerio de Electricidad, zirma hatun llankayta katishpa minkashka kan. Kay llankaywasi, allitami pushashka karka nishpa riman, chaymantami kullki yaykurishka nirka. Kay llankaymantan marka kamachik 18% patsakrita charin, chayka 22 hunu dólares kullkimi kan nirka.
Paymanta, Francisco Carrasco, kay Centro Sur llankaywasimanta, 27 hunu 700 waranka kullki yaykun, Azuay marka kamachik charishka, rakina wasimantami shamushka kan. Kunan pachapi allimi llankakun, achkata llankashkamanta kullkitami kushka nirka.
Tawkamanta, Mariangel Muñoz kamachiy killkak, Azuay markamanta shamuk, marka kamachik rurakushka mana kamachiy ukupichu kan, kay Comisión de Desarrollo ukumantami kamachiy ukupi kashka, mana kashkatapash rikuna kan.
Paymanta, kay Comisión de Desarrollo Económico kipapushak, Juan Carlos Cassinelli mancharishkami kani nirka, Azuay markapak zirma llankaywasita hapina munakta mana hamutanichu, Eléctrica kamay kaytaka mana kunchu nirka.
Pay Soledad Buendía warmi kamachiy killkak, shina llakita rurakukpi, hatun huchami kanka, shuyakuchun nirka, kallaripika Contraloría kamaywasimi utkashpa rikunata charin, kipaman Fiscalía kamachikmi rikunata charin nirka.
Warmi kamachiy killkak, runakunata, llankaywasita charikkunata manchachirka, kay mana kamachiywan rikushka yuyaykunapi ama satirichun nirka, Azuay markapak marka kamachik Centro Sur y Elecaustro charishkunata hapinata mana ushayta charinchu nirka.
Tuchinkapa, Esteban Melo kamachiy killkak, Carrasco mana allita rurakushka, azuay llaktapi kawsak runakunata, llaktatami llakichikun, ñukanchika shuwakushka rimayta ushashunmi nirka.
JLVN/pv/ jc-kichwa
