Yuyak kashkamanta allimanta tatkiwan; asishpa, kay Antonio Polo Frattin Mamallakta Tantanakuyta pushak Gabriela Rivadeneira makimanta, Dr. Vicente Rocafuerte kamarita chaskirka, kaytaka pay wakcha runakumanta llankashkamantami chaskirka.
Kay kushipataka Venecia-Italia llaktapi, 1939 watapi wacharirka, 30 wata kipa Ecuador llaktaman chayamurka, Salinas shulkapi llankayta kallarirka, chayka Guaranda kiti, Bolívar markapimi sakirin. Kay mushuk yuyaytaka Fabián Solano kamachiy killkakmi kallarichirka, paymi Polo chayakpi ukshawasikunamanta kushni llukshikuk rikurirka, achka wakchakuna, ñankuna illak kawsashkata rikurka.
Kay kushipata yanapaywanmi, Salina shulkapi kullkiwasi wiñarirka, chaywan wakchayayta anchuchishpa, kipaman runakuna tantarishpa kawsayman yallirka, llankaykuna wiñarirka. Runakuna tantarishpa, yanapashpa kunanka kawsan, shuk irpatami charin “El Salinerito” shutimi kan. Shinallatak kunanka makinchuta, añakata, aychakutata, kallampata, puchkata, awayta, wiswita ruran.
Chusku chunka watata llankashka, llankashkakunata rikurinmi: achka tantarikuna rikurishka, achka runakunami yupaychan. Kay Ecuador llaktapak, pakllakunapi llankayta ruranata usharinmi, paktapakta rakinata, unipak llankayta wiñachinatapash usharinmi Solano kamachiy killkak rimarka,
Kay Gabriela Rivadeneira Mamallakta Tantanakuyta pushak, ukllarishpa Carlos Mosquera Sánchez kamachikta chaskirka, kipaman Dr. Vicente Rocafuerte kamarita kararka, yachaymanta achkata llankashkamanta kamarita chayachirka.
LM/pv/jc-kichwa
